1 Mga Hade 1:38 - Marahay na Bareta Biblia

³⁸ Pinasakay sa mula ni Hadeng David si Solomon ni Zadok, ni Natan, ni Benaias asin kan mga bantay kan hade asin ipinag-iba ninda sa burabod nin Gihon.

1 Mga Hade 1:38 ပူးပေါင်းရင်းမြစ်များ

2 Samuel 13:29

Sinunod kan mga sorogoon an pagboot ni Absalom; ginadan ninda si Amnon. Dangan nagtirindog an gabos na aking lalaki kan hade, nagrulunad sa saindang mga mula asin nagdurulag.

2 Samuel 15:18

Nagtindog sa kataed ni David an gabos niyang opisyal mantang an saiyang mga bantay nag-agi sa saiyang atubang. Nag-agi man sa saiyang atubang an seis syentos na soldados na nagsunod saiya hale sa Gat.

2 Samuel 20:7

Kaya kaiba si Abisai, nagharale sa Jerusalem an mga tawohan ni Joab, an mga bantay kan hade, asin an gabos na soldados tanganing lamagon si Sheba.

2 Samuel 8:18

si Benaias, na aking lalaki ni Johoiada, iyo an namahala kan mga parabantay ni David, asin an mga aking lalaki ni David iyo an mga padi.

1 Mga Hade 1:26

Alagad dai niya ako inalok, ni an padi na si Zadok, ni si Benaias na aking lalaki ni Jehoiada o si Solomon.

1 Mga Hade 1:33

nagsabi an hade, “Ipag-iba nindo an sakong mga opisyal; pasakayon nindo an aki kong si Solomon sa sadiri kong mula asin ibahan nindo siya pasiring sa burabod nin Gihon.

1 Mga Hade 1:8

Alagad dai nagkampi saiya an padi na si Zadok, si Benaias na aking lalaki ni Jehoiada, si Natan na propeta, si Simei, si Rei, asin an mga maiisog na soldados ni David.

1 Mga Hade 2:15

Nagsimbag siya, “Naaaraman mong sako an trono asin naghahalat an bilog na Israel na ako an magtukaw bilang hade. Alagad iba an nangyari, asin nagin hade an sakong tugang huli ta ini an kabotan nin Kagurangnan.

1 Mga Hade 2:35

Si Benaias an ginibo kan hade na kasalihid ni Joab bilang pamayo kan hukbo asin si Zadok an nagin kasalihid ni Abiatar bilang padi.

1 Mga Cronica 18:17

si Benaias, na aking lalaki ni Jehoiada, iyo an namahala kan mga parabantay ni David; an mga aking lalaki ni David iyo an nagkapot kan mga haralangkaw na katongdan sa palasyo.

Sofonias 2:5

Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

1 Samuel 30:14

Sinalakay mi an teritoryo kan mga Keretita sa parteng habagat kan Juda asin an teritoryo kan kamaganakan ni Caleb, dangan sinulo mi an Ziklag.”