1 Mga Hade 1:37 - Marahay na Bareta Biblia

³⁷ Siring na an Kagurangnan nagin kaibahan kan sakong mahal na hade, ibahan man logod niya si Solomon asin gibohon na magin mas mauswag ki sa saimo an saiyang paghahade.”

1 Mga Hade 1:37 ပူးပေါင်းရင်းမြစ်များ

2 Samuel 24:3

Alagad nagsimbag si Joab, “Gibohon logod nin Kagurangnan na saimong Dios na magdakul pa nin sanggatos na beses an bilang ngunyan kan namamanwaan sa Israel asin mahiling mo logod na ginigibo niya iyan. Alagad tadaw ta naoogma an Mahal na Hade na gibohon ini?”

1 Mga Hade 1:36

Nagsimbag si Benaias, “Masusunod an saimong kabotan, asin patotoohan logod iyan nin Kagurangnan na saimong Dios!

1 Mga Hade 1:47

Laen pa kaiyan, nagsarabat an mga opisyal tanganing itao an saindang paggalang sa satuyang mahal na hade na si David. Nagsabi sinda, ‘Gibohon logod kan saimong Dios na an ngaran ni Solomon magin mas bantog ki sa saimong ngaran asin magin mauswag ki sa saimo an saiyang paghahade.’ Dangan nagduko sa pagsamba si Hadeng David mantang nasa saiyang higdaan

2 Mga Hade 2:9

Pakabalyo ninda, nagsabi si Elias ki Eliseo, “Sabihan sako kun ano an boot mong gibohon ko para saimo, bago ako kuahon.” “Nakikimaherak ako saimo na ipamana mo sako an kahirasan kan saimong kapangyarihan na iyo an magibo sako na kasalihid mo,” an simbag ni Eliseo.

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

1 Mga Cronica 29:25

Pinangagin bantog nin Kagurangnan si Solomon sa atubang kan bilog na Israel, asin orog na pinadakula ki sa mga naenot na naghade sa Israel.

2 Mga Cronica 1:1

Pusog na pinaghadean ni Solomon na aking lalaki ni David an kahadean nin Israel; benendisyonan siya nin Kagurangnan na saiyang Dios asin ginibo siyang orog na mapangyari.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 72:8

Maghade logod siya poon sa dagat sagkod sa dagat, poon sa Eufrates sagkod sa mga poro kan daga.

Salmo 89:27

Gigibohon ko siyang aki kong matua, an pinakahalangkaw sa mga hade kan daga.

Exodo 3:12

Nagtaram an Dios, “Iibahan taka, asin iyan an patotoo na sinugo taka. Sa panahon na ikaluwas mo na sa Egipto an mga tawo, sasambahon nindo ako sa bukid na ini.”

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Josue 1:17

Kukuyogon mi ika siring na kinuyog nyamo si Moises, asin ibahan ka logod nin Kagurangnan na saimong Dios siring na inibahan niya si Moises!

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

1 Samuel 20:13

Kun nag-iisip siyang kulogan ka, gadanon logod ako nin Kagurangnan kun dai taka paisihon asin padulagon. Ibahan ka logod nin Kagurangnan siring na inibahan niya an sakong ama!