1 Mga Hade 1:25 - Marahay na Bareta Biblia

²⁵ Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

1 Mga Hade 1:25 ပူးပေါင်းရင်းမြစ်များ

2 Samuel 16:16

Kan masabatan si Absalom ni Husai, na katood ni David, nagkurahaw si Husai, “Mabuhay an hade! Mabuhay an hade!”

1 Mga Hade 1:19

Nagbuno siya nin dakul na baka, karnero, asin mga pinatabang torilyong baka. Inalok niya sa bangkete an saimong mga aking lalaki, an padi na si Abiatar, asin si Joab na pamayo kan saimong hukbo, alagad dai niya inalok an aki mong si Solomon.

1 Mga Hade 1:24

Dangan nagsabi si Natan, “Mahal na hade, ipinahayag mo na mananggad na masalihid saimo si Adonias bilang hade?

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Hade 1:9

Sarong aldaw, nagbuno si Adonias nin mga karnero, mga torong baka asin mga pinatabang torilyong baka duman sa Gapo nin Halas, harani sa burabod nin Enrogel. Inalok niya sa saiyang bangkete an ibang aking lalaki ni Hadeng David asin an gabos na opisyal nin Juda.

1 Mga Hade 2:15

Nagsimbag siya, “Naaaraman mong sako an trono asin naghahalat an bilog na Israel na ako an magtukaw bilang hade. Alagad iba an nangyari, asin nagin hade an sakong tugang huli ta ini an kabotan nin Kagurangnan.

2 Mga Hade 11:12

Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 9:13

Kaya hinuba kan mga opisyal an saindang alikboy asin biniklad sa ibabaw kan hagdan tanganing tindogan ni Jehu. Pinatanog ninda an mga trompeta asin nagkurahaw, “Si Jehu iyo an hade!”

1 Mga Cronica 29:13

Ngunyan, samuyang Dios, nagpapasalamat kami saimo, asin inoomaw mi an saimong mamurawayon na ngaran.

1 Mga Cronica 29:21

Sunod na aldaw, nagsakripisyo sinda sa Kagurangnan; nagdolot sinda nin mga tinutong na atang—sangribo na torong baka, sangribong lalaking karnero asin sangribong kordero. Nagdolot man sinda nin inomon na arak.

2 Mga Cronica 23:11

Dangan ilinuwas ni Jehoiada si Joas, kinoronahan saka tinawan kan kopya kan katogonan sa paghahade. Ginibo nindang hade si Joas; linahidan siya nin lana kan padi na si Jehoiada saka kan mga aki kaini. Dangan an gabos nagkurahaw, “Mabuhay an hade!”

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Lukas 19:38

“Paladan an Hade na minadigdi sa ngaran nin Kagurangnan! Katoninongan sa langit, asin kamurawayan sa kaitaasan!”

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”