1 Mga Hade 1:18 - Marahay na Bareta Biblia

¹⁸ Alagad nagin hade ngunyan si Adonias maski dai mo naaaraman.

1 Mga Hade 1:18 ပူးပေါင်းရင်းမြစ်များ

2 Samuel 15:10

Alagad nagpadara siya nin mga sugo sa gabos na tribu nin Israel tanganing magsabing, “Kun madangog nindo an tanog nin mga trompeta, magkurahaw kamong, ‘Hade na si Absalom sa Hebron!’”

1 Mga Hade 1:11

Dangan sinabihan ni Natan si Batsheba, na ina ni Solomon, “Dai mo nadangog na si Adonias na aki ni Haggit nagpahayag na siya na an hade asin dai ini aram ni Hadeng David?

1 Mga Hade 1:17

Nagsimbag siya, “Mahal na hade, nanuga ka sako sa ngaran kan Kagurangnan na saimong Dios, na an aki kong si Solomon iyo an magigin hade sunod saimo.

1 Mga Hade 1:19

Nagbuno siya nin dakul na baka, karnero, asin mga pinatabang torilyong baka. Inalok niya sa bangkete an saimong mga aking lalaki, an padi na si Abiatar, asin si Joab na pamayo kan saimong hukbo, alagad dai niya inalok an aki mong si Solomon.

1 Mga Hade 1:24

Dangan nagsabi si Natan, “Mahal na hade, ipinahayag mo na mananggad na masalihid saimo si Adonias bilang hade?

1 Mga Hade 1:27

Ipinagboot mo na mananggad an bagay na ini, mahal na hade, asin dai mo ipinaaram sa saimong mga opisyal kun siisay an masalihid saimo bilang hade?”

1 Mga Hade 1:5

Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

Mga Gibo 3:17

“Ngunyan, mga tugang, aram kong dai nindo nasabotan an ginibo nindo ki Jesus, siring kan mga lider nindo.