1 Mga Hade 1:13 - Marahay na Bareta Biblia

¹³ Dumuman ka tolos ki Hadeng David asin sabihan mo, ‘Mahal na hade, bakong nanuga ka sako na an aki kong si Solomon iyo an masalihid saimo bilang hade? Tano ta nagin hade ngunyan si Adonias?’”

1 Mga Hade 1:13 ပူးပေါင်းရင်းမြစ်များ

1 Mga Hade 1:11

Dangan sinabihan ni Natan si Batsheba, na ina ni Solomon, “Dai mo nadangog na si Adonias na aki ni Haggit nagpahayag na siya na an hade asin dai ini aram ni Hadeng David?

1 Mga Hade 1:14

Nagsabi pa si Natan, “Dangan mantang nakikipag-olay ka pa sa hade, malaog ako asin papatotoohan ko an saimong mga sinabi.”

1 Mga Hade 1:17

Nagsimbag siya, “Mahal na hade, nanuga ka sako sa ngaran kan Kagurangnan na saimong Dios, na an aki kong si Solomon iyo an magigin hade sunod saimo.

1 Mga Hade 1:24

Dangan nagsabi si Natan, “Mahal na hade, ipinahayag mo na mananggad na masalihid saimo si Adonias bilang hade?

1 Mga Hade 1:30

na ootobon ko ngunyan an panugang ginibo ko saimo sa ngaran nin Kagurangnan, an Dios nin Israel, na an saimong aking si Solomon iyo an masalihid sako bilang hade.”

1 Mga Hade 1:35

Sumunod kamo saiya pagbalik niya digdi tanganing magtukaw siya sa sakong trono. Masalihid siya sako bilang hade, huli ta siya an sakong pinili na magin hade nin Israel asin Juda!”

1 Mga Hade 1:48

asin namibi, ‘Pag-omawon an Kagurangnan, an Dios nin Israel, huli ta ngunyan pinagmarahay niyang mahiling ko an saro kan sakong mga aki na nakatukaw sa sakong trono!’”

1 Mga Hade 2:12

Kaya nagtukaw si Solomon sa trono kan saiyang ama na si David; nagin pusog an saiyang kahadean.

1 Mga Cronica 28:5

Tinawan niya ako nin dakul na aking lalaki, asin sa sainda pinili niya si Solomon na sakong aki na maghade sa Israel, an kahadean nin Kagurangnan.

1 Mga Cronica 29:23

Kaya nagtukaw si Solomon sa trono nin Kagurangnan bilang hade na kasalihid kan saiyang ama. Nagin mauswag siya asin nagkuyog saiya an bilog na Israel.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 33:21

Sa siring na paagi, nakipagtipan ako sa sakong sorogoon na si David na danay siyang magkakaigwa nin kapagarakian na matukaw bilang hade, saka nakipagtipan ako sa mga padi na hale sa tribu ni Levi na danay sindang maglilingkod sako, asin an mga tipan na iyan dai nanggad mababago.

Deuteronomio 17:18

Kun hade na siya, kaipuhan magkaigwa siya nin kopya kan libro nin mga togon saka mga pagboot nin Dios, na kinopya sa orihinal na libro na nasa pangataman kan mga pading Levita.