1 Mga Cronica 9:4 - Marahay na Bareta Biblia

^4-6 Seis syentos nubentang mga pamilya kan tribu ni Juda an nag-erok sa Jerusalem. Si Utai na aki ni Amihud asin makoapo ni Omri iyo an nagin pamayo kan kapagarakian ni Perez na aki ni Juda. An ibang ginikanan niya iyo si Imri asin Bani. Si Asaias na pamayo kan saiyang pamilya iyo an nagin pamayo kan kapagarakian ni Sela na aking lalaki ni Juda. Si Jeuel iyo an pamayo kan kapagarakian ni Zera na aking lalaki ni Juda.

1 Mga Cronica 9:4 ပူးပေါင်းရင်းမြစ်များ

Genesis 46:12

Si Juda sagkod an mga aki kaining lalaki na si Shela, Perez, asin Zera. (Si Er saka si Onan nagkagaradan sa Canaan.) An mga aki ni Perez na si Hezron asin si Hamul.

1 Mga Cronica 2:5

An mga aking lalaki ni Perez iyo si Hezron saka si Hamul.

1 Mga Cronica 4:1

An mga aking lalaki ni Juda iyo si Perez, Hezron, Carmi, Hur, asin Sobal.

Nehemias 11:4

An mga kaayon sa tribu ni Juda: Si Ataias, na aking lalaki ni Uzzias saka makoapo ni Zacarias. An iba niyang mga ginikanan iyo si Amarias, si Sefatias saka si Mahalalel, na mga kapagarakian ni Perez na aking lalaki ni Juda.

Nehemias 11:6

Sa mga kapagarakian ni Perez, kwatro syentos sesenta y otsong pangenot na kalalakihan an nag-erok sa Jerusalem.

Nehemias 8:7

Dangan nagbarangon sinda asin nagtirindog sa dati nindang lugar. An Katogonan ipinaliwanag sainda kan mga Levita na si Jesua, Bani, Serebias, Jamin, Akkub, Sabbetai, Odias, Maaseias, Kelita, Azarias, Jozabad, Hanan, asin Pelaias.