1 Mga Cronica 9:31 - Marahay na Bareta Biblia

³¹ Sarong Levita na an ngaran Matitias, an matuang aking lalaki ni Sallum kan kamaganakan ni Kora, iyo an namahala kan paggibo kan mga maninipis na tinapay na idodolot.

1 Mga Cronica 9:31 ပူးပေါင်းရင်းမြစ်များ

Genesis 19:3

Alagad pinirit sinda ni Lot kaya uminiba na sana sinda saiya asin nagdagos sa saiyang harong. Pinagbotan ni Lot an saiyang oripon na magluto nin tinapay asin mag-andam nin pagkakan para sa mga bisita. Kan andam na, nagkarakan sinda.

1 Mga Cronica 23:29

Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

1 Mga Cronica 9:17

An mga bantay kan Templo na nag-erok sa Jerusalem iyo si Sallum, Akkub, Talmon, asin Ahiman. Si Sallum iyo an saindang pamayo.

1 Mga Cronica 9:19

Si Sallum na aking lalaki ni Kore asin makoapo ni Ebiasaf, kairiba an saiyang mga kadugo na kabilang sa kamaganakan ni Kora, iyo an namamahala sa pagbantay kan pintoan kan Tabernakulo, arog kan ginibo kan saindang mga ginikanan kan an mga ini iyo an nagbantay kan kampo nin Kagurangnan.

1 Mga Cronica 9:22

An kabilogan na bilang kan mga lalaking napili na magbantay sa mga trangkahan asin mga pintoan uminabot sa dos syentos dose. Nakatala an saindang mga ngaran sosog sa mga lugar na saindang pinag-erokan. Si Hadeng David asin an propetang si Samuel iyo an nagbugtak kan saindang mga ginikanan sa mahalagang katongdan na ini.

1 Mga Cronica 9:26

Gabos mga Levita an apat na pamayong mga bantay, asin sinda an namahala kan mga kwarto kan Templo asin kan mga kayamanan duman.

Levitico 2:5

Kun an idodolot tinapay na linuto sa parilya, kaipuhan gibohon iyan hale sa arina na may salak na lana nin oliba alagad mayo nin lebadura.

Levitico 2:7

Kun an idodolot tinapay na linuto sa kawali, kaipuhan gibohon iyan sa arina asin sa lana nin oliba.

Levitico 6:14

An minasunod iyo an mga pagboot manongod sa dolot na pagkakan. An pading aki ni Aaron iyo an matao sa Kagurangnan kan dolot na pagkakan duman sa atubang kan altar.

Levitico 6:21

Sasalakan niya iyan nin lana saka lulutoon sa parilya, dangan roronoton asin idodolot bilang dolot na pagkakan. An parong kan dolot na iyan nawiwilihan nin Kagurangnan.