1 Mga Cronica 9:28 - Marahay na Bareta Biblia

²⁸ Nagkapirang mga Levita an namahala kan mga kasangkapan na ginagamit sa pagsamba. Binibilang ninda an mga kagamitan kun ilinuluwas dangan kun ibinabalik.

1 Mga Cronica 9:28 ပူးပေါင်းရင်းမြစ်များ

1 Mga Cronica 26:20

Sa iba pang mga Levita, si Ahias an namahala kan mga kayamanan sa Templo asin kan mga kwartong sarayan kan mga ikinonsagrang regalo para sa Dios.

1 Mga Cronica 9:27

Nag-erok sinda harani sa Templo, huli ta katongdan ninda an magbantay kaini asin sa pagbukas kan mga trangkahan aga-aga.

1 Mga Cronica 9:29

An iba sainda iyo an pinamahala kan banal na mga kagamitan, asin man kan arina, arak, lana nin oliba, insenso, saka mga pahamot.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Mga Bilang 4:12

An gabos na kasangkapan na ginagamit sa Banal na Lugar kukuahon ninda dangan ibubugtak sa sarong asul na tela. Dangan papatoson ninda iyan sa anit nin kanding asin ibubugtak sa sarong lalagan.