1 Mga Cronica 9:2 - Marahay na Bareta Biblia

² An enot na nagbaralik sa saindang pagsadiri duman sa mga syudad iyo an mga ordinaryong Israelita, an mga padi, an mga Levita asin an mga sorogoon sa Templo.

1 Mga Cronica 9:2 ပူးပေါင်းရင်းမြစ်များ

Esdras 2:1

Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 2:43

Mga kamaganakan nin mga trabahador sa Templo na nagbalik hale sa pagkatapokan: Ziha, Hasufa, Tabbaot, Keros, Siaha, Padon, Lebana, Hagaba, Akkub, Hagab, Samlai, Hanan, Giddel, Gahar, Reaias, Rezin, Nekoda, Gazzam, Uzza, Pasea, Besai, Asna, Meunim, Nefisim, Bakbuk, Hakufa, Harhur, Bazlut, Mehida, Harsa, Barkos, Sisera, Tema, Nezias, asin Hatifa

Esdras 2:58

Tres syentos nubenta y dos an bilang kan mga kapagarakian nin mga trabahador sa Templo asin kan mga sorogoon ni Solomon na nagbalik hale sa pagkatapokan.

Esdras 2:70

An mga padi, an mga Levita, asin an nagkapira sa mga tawo, duman nag-erok sa Jerusalem asin sa mga lugar na kataed kaini. An mga parakanta, an mga bantay sa Templo, asin an mga trabahador sa Templo nag-erok sa mga hararaning banwa; an iba pang mga Israelita duman nag-erok sa mga lugar na pinag-erokan kan saindang mga ginikanan.

Esdras 8:20

Laen pa kan mga ini, igwa pa nin dos syentos beynteng mga trabahador sa Templo na an mga ginikanan pinili ni David asin kan mga opisyal kaini tanganing magtabang sa mga Levita. An saindang mga ngaran gabos nasasambit sa lista.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 11:1

Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Nehemias 7:60

Tres syentos nubenta y dos gabos an bilang kan mga kapagarakian nin mga trabahador sa Templo asin mga sorogoon ni Solomon na nagbalik hale sa pagkatapokan.

Nehemias 7:73

An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.