1 Mga Cronica 9:19 - Marahay na Bareta Biblia

¹⁹ Si Sallum na aking lalaki ni Kore asin makoapo ni Ebiasaf, kairiba an saiyang mga kadugo na kabilang sa kamaganakan ni Kora, iyo an namamahala sa pagbantay kan pintoan kan Tabernakulo, arog kan ginibo kan saindang mga ginikanan kan an mga ini iyo an nagbantay kan kampo nin Kagurangnan.

1 Mga Cronica 9:19 ပူးပေါင်းရင်းမြစ်များ

2 Mga Hade 11:15

Habo ni Jehoiada na gadanon si Atalia sa laog kan Templo kaya pinagbotan niya an mga opisyal kan hukbo, “Isiblag siya sa grupo kan mga bantay, asin gadanon nindo an siisay man na maghingowang magligtas saiya.”

2 Mga Hade 11:9

Kinuyog kan mga opisyal an pagboot ni Jehoiada. An mga lalaki na mayo na nin trabaho sa aldaw nin Sabbath dai na ninda pinahale kundi padagos na pinapaglingkod kaiba kan maralaog sa trabaho sa aldaw na iyan, dangan dinara ninda an mga ini sa pading si Jehoiada.

2 Mga Hade 12:10

Kun nahihiling ninda na dakul na an kwarta sa kahon, minaduman an sekretaryo kan hade asin an halangkaw na padi dangan binibilang ninda an kwarta saka ilinalaog sa mga supot.

1 Mga Cronica 9:18

Sinda an nagbantay kan Trangkahan kan Hade na nasa sirangan. An pinagbantayan ninda kaidto iyo an mga trangkahan kan kampo kan mga Levita.

1 Mga Cronica 9:20

Minsan, nagin pamayo ninda si Finehas na aking lalaki ni Eleazar, na inibahan nin Kagurangnan.

Salmo 42:1

Siring sa usa na hinihidaw an tubig na nagbubulos, an sakong kalag napupungaw saimo, O sakuyang Dios.

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Salmo 49:1

Dangoga nindo ini, kamo gabos na banwaan! Himatea nindo, gabos na tawo sa kinaban,

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Jeremias 35:4

dangan dinara ko sinda sa Templo. Ipinag-iba ko sinda sa kwarto kan mga disipulo ni Hanan na aking lalaki ni Igdalias. An kwartong ini nasa itaas kan kwarto ni Maaseias na aking lalaki ni Sallum, na sarong halangkaw na opisyal sa Templo, asin harani sa mga kwarto kan ibang mga opisyal.

Jeremias 52:24

Laen pa kaini, binihag ni Nebuzaradan na pamayong opisyal kan hukbo kan hade, si Seraias na halangkaw na padi, si Sofonias na ikaduwang padi, asin an tolong bantay sa Templo.