1 Mga Cronica 9:14 - Marahay na Bareta Biblia

^14-16 Iyo ini an mga Levita na nag-erok sa Jerusalem: si Semaias na aking lalaki ni Hassub; kabilang sa saiyang mga ginikanan si Azrikam asin Hasabias kan kamaganakan ni Merari si Bakbakar, si Heres, asin si Galal si Matanias na aking lalaki ni Mica; kabilang sa saiyang mga ginikanan iyo si Zikri asin si Asaf si Obadias na aking lalaki ni Semaias; kabilang sa saiyang mga ginikanan iyo si Galal asin si Jedutun si Berekias na aking lalaki ni Asa asin makoapo ni Elkana, na nag-erok sa lugar na sakop kan banwa nin Netofa.

1 Mga Cronica 9:14 ပူးပေါင်းရင်းမြစ်များ

1 Mga Cronica 26:1

Iyo ini an mga grupo kan mga Levita na an katongdan iyo an pagbantay sa mga trangkahan kan Templo. Gikan sa kamaganakan ni Kore, napili si Meselemias, na aking lalaki ni Kore kan pamilya ni Asaf.

1 Mga Cronica 26:26

Si Selomit saka an mga kaayon sa saiyang pamilya iyo an namahala kan gabos na regalo sa Dios na idinolot ni David, kan mga pamayo nin mga pamilya, kan mga lider kan mga grupo nin kamaganakan, asin kan mga opisyal nin hukbo.

1 Mga Cronica 6:19

An mga aking lalaki ni Merari iyo si Mali asin si Musi.

1 Mga Cronica 6:29

Iyo ini an mga kapagarakian ni Merari sa pasurunod-sunod na henerasyon magpoon saiya: Merari, Mali, Libni, Simei, Uzza,

1 Mga Cronica 6:63

Doseng banwaan sa mga teritoryo nin Ruben, Gad, asin Zabulon an itinao sa mga kamaganakan ni Merari sosog sa saindang mga pamilya.

1 Mga Cronica 9:13

An bilang kan mga padi na pamayo kan saindang mga pamilya uminabot sa mil syete syentos sesenta. Mga eksperto sinda gabos sa trabahong paglingkod sa Templo.

Nehemias 12:23

Alagad an listahan kan mga pamayo kan mga pamilya kan mga Levita ikinasurat sa Libro nin mga Cronica sa panahon sana ni Jonatan na makoapo ni Eliasib.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Mga Bilang 26:57

An mga kaayon sa tribu ni Levi iyo an mga kamaganakan ni Gerson, ni Kohat, asin ni Merari.