1 Mga Cronica 9:1 - Marahay na Bareta Biblia

¹ Nakalista an gabos na mga taga Israel sosog sa saindang mga pamilya, asin ini nakatala sa An Libro kan mga Hade nin Israel. Itinapok sa Babilon an mga taga Juda bilang padusa kan saindang kasalan.

1 Mga Cronica 9:1 ပူးပေါင်းရင်းမြစ်များ

1 Mga Hade 14:19

An iba pang mga gibo ni Jeroboam, an saiyang pakigera asin an saiyang paghahade gabos nasusurat sa An Kasaysayan kan mga Hade nin Israel.

2 Mga Hade 24:14

Binihag niya an mga taga Jerusalem, an gabos na aking lalaki kan hade, asin an mga ginagalangan na tawo kan banwaan na uminabot sa sampolong ribo gabos an bilang. Binihag man niya an gabos na ekspertong trabahador, pati an mga panday; mayo siya nin itinada kundi an pinakadukhang mga tawo sa Juda.

2 Mga Hade 24:15

Dinarang bihag ni Nebukadnezzar pasiring sa Babilonia si Jehoiakin, an ina niya, an saiyang mga agom, an mga opisyal asin an mga ginagalangan na tawo sa Juda.

2 Mga Hade 24:16

Dinara niya sa Babilonia an pitong ribong mga soldados asin an sangribong ekspertong trabahador, pati an mga panday na gabos makokosog asin maninigong maglingkod sa hukbo.

1 Mga Cronica 8:40

An mga aking lalaki ni Ulam mga bantog na paralaban asin parapana. Nagkaigwa an mga ini nin syento singkwentang mga aki asin mga makoapong lalaki. Ini gabos iyo an mga kaayon sa tribu ni Benjamin.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

Esdras 2:1

Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

Esdras 2:59

Seis syentos singkwenta y dos an mga kaayon sa mga kamaganakan ni Delaias, Tobias asin Nekoda na nagbalik hale sa mga banwa nin Tel-mela, Tel-harsa, Kerub, Addan, asin Immer; alagad dai nanggad ninda napatotoohan na kapagarakian sinda nin mga Israelita.

Nehemias 11:1

Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Nehemias 7:5

Ipinasabong sako nin Dios na tiponon an mga tawo, an mga lider, mga opisyal dangan sensohon sinda sosog sa saindang kamaganakan. Nakua ko an listahan kan mga kamaganakan na naenot na nagbalik hale sa pagkatapokan, asin ini an nakasurat duman:

Isaias 3:2

Hahaleon man niya an mga makosog na tawo saka an mga soldados, an mga hukom saka an mga propeta, an mga parahula saka an mga kamagurangan,

Jeremias 13:19

An mga banwa sa habagat na parte nin Juda napapalibotan na; mayo na nin makakalaog duman. Dinarang bihag an gabos na taga Juda tanganing itapok.”

Jeremias 39:9

Pakatapos, dinara ni Nebuzaradan, an pinakahalangkaw na opisyal kan hukbo, an mga tawong natada sa syudad bilang mga bihag sa Babilonia, kaiba an mga nagdulag sa syudad tanganing magkampi saiya.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.