1 Mga Cronica 8:34 - Marahay na Bareta Biblia

³⁴ Si Jonatan iyo an ama ni Meribaal na iyo an ama ni Mica.

1 Mga Cronica 8:34 ပူးပေါင်းရင်းမြစ်များ

2 Samuel 4:4

Si Jonatan na aking lalaki ni Saul igwa nin aking lalaki na an ngaran Mefiboset. Limang taon pa sana an edad niya kan magadan si Saul asin si Jonatan. Kan an bareta manongod kan saindang pagkagadan mag-abot hale sa syudad nin Jezreel, an aki kinua tolos kan paraataman asin nagdulag; sa kasibotan, nabutasan niya an aki na ikinapilay kaini.

2 Samuel 9:10

Ika, an saimong mga aking lalaki, asin an saimong mga sorogoon iyo an mag-aataman kan daga para ki Mefiboset asin dadarahon mo saiya an ani, tanganing magkakan an saiyang pamilya. Alagad si Mefiboset danay na magkakakan sa sakong lamesa.” (Kinse an aking lalaki ni Ziba asin beynte an saiyang mga sorogoon.)

2 Samuel 9:12

Igwa nin aking lalaki si Mefiboset na an ngaran Mica. An gabos na kaayon sa pamilya ni Ziba nagin mga sorogoon ni Mefiboset.

2 Samuel 9:6

Kan mag-abot si Mefiboset na aking lalaki ni Jonatan asin makoapo ni Saul, nagduko siya sa atubangan ni David sa pagtaong galang. Nagsabi si David, “Mefiboset!” Nagsimbag si Mefiboset, “Uya an saimong sorogoon.”

1 Mga Cronica 8:33

Si Ner iyo an ama ni Kis na iyo an ama ni Hadeng Saul. An mga aking lalaki ni Saul iyo si Jonatan, Malkisua, Abinadab, asin Esbaal.

1 Mga Cronica 8:35

An mga aking lalaki ni Mica iyo si Piton, Melec, Tarea, asin Ahaz.

1 Mga Cronica 9:40

Si Jonatan iyo an ama ni Meribaal, na ama ni Mica.