1 Mga Cronica 8:33 - Marahay na Bareta Biblia

³³ Si Ner iyo an ama ni Kis na iyo an ama ni Hadeng Saul. An mga aking lalaki ni Saul iyo si Jonatan, Malkisua, Abinadab, asin Esbaal.

1 Mga Cronica 8:33 ပူးပေါင်းရင်းမြစ်များ

2 Samuel 2:8

Si Abner na aking lalaki ni Ner asin pamayo kan hukbo ni Saul, nagdulag sa ibong kan Jordan pasiring sa Mahanaim, kaiba an aki ni Saul na si Isboset;

2 Samuel 4:12

Pinagbotan ni David an saiyang mga tawohan asin ginadan ninda si Recab saka si Baana. Pinutol ninda an mga kamot saka mga bitis kan duwa, dangan binitay sa harani kan sapa sa Hebron. Alagad kinua ninda an payo ni Isboset asin ilinubong sa lulubngan ni Abner duman sa Hebron.

1 Mga Cronica 8:32

asin Miklot, na iyo an ama ni Semea. An saindang kapagarakian nag-erok sa Jerusalem kataed kan iba pang mga pamilya kan saindang kamaganakan.

1 Mga Cronica 8:34

Si Jonatan iyo an ama ni Meribaal na iyo an ama ni Mica.

Mga Gibo 13:21

Kan maghagad sinda nin hade, itinao sainda nin Dios si Saulo, an aking lalaki ni Kis na gikan sa tribu ni Benjamin. Kwarentang taon na naghade sainda si Saulo.

1 Samuel 31:2

Alagad naabotan sinda kan mga Filisteo asin ginadan an tolong aking lalaki ni Saul na si Jonatan, Abinadab, saka Malkisua.

1 Samuel 9:1

Igwa kaidto nin sarong mayaman na lalaki na an ngaran Kis, na gikan sa tribu ni Benjamin; aki siya ni Abiel asin makoapo ni Zeror na aki ni Becorat asin makoapo ni Afia.

1 Samuel 9:2

Igwa si Kis nin aking lalaki na an ngaran Saul, sarong gwapong lalaki. Siya an pinakagwapo asin pinakahalangkaw na lalaki sa bilog na Israel.