1 Mga Cronica 7:21 - Marahay na Bareta Biblia

²¹ Zabad, asin Sutela. Igwa pa nin duwang aking lalaki si Efraim na iyo si Ezer asin si Elead. An duwang ini nagadan kan mangahas sindang manghabon nin baka sa mga nag-eerok sa Gat.

1 Mga Cronica 7:21 ပူးပေါင်းရင်းမြစ်များ

1 Mga Cronica 7:20

Iyo ini an mga kapagarakian ni Efraim sa pasurunod-sunod na henerasyon magpoon saiya: Efraim, Sutela, Bered, Tahat, Eleada, Tahat,

1 Mga Cronica 7:22

Nagmondo an ama nindang si Efraim sa halawig na panahon. Nag-abot an mga tugang ni Efraim asin rinanga siya.

Ezekiel 25:15

Nagtaram an Kagurangnan Dios, “Huli ta an mga Filisteo nagbalos nin makuri sa suanoy nindang mga kaiwal, asin ginadan ninda an mga ini sa saindang kaanggotan,

Juan 11:19

kaya dakul na mga Judio an nagdalaw sa magtugang na Marta asin Maria sa pagranga sainda.

1 Samuel 5:10

Kaya an Kaban nin Tipan ipinadara ninda sa Ekron, saro pang syudad kan mga Filisteo; alagad pag-abot duman, nagsarabi an mga taga Ekron, “Dinara ninda digdi an Kaban kan Dios nin Israel tanganing magkagaradan kita gabos!”

1 Samuel 5:8

Kaya pinasugoan ninda asin tinipon an limang hade kan mga Filisteo dangan hinapot an mga ini, “Ano an gigibohon mi sa Kaban nin Tipan kan Dios nin Israel?” Nagsimbag sinda, “Daraha nindo sa Gat.” Kaya an Kaban nin Tipan dinara ninda sa Gat, saro pang syudad kan mga Filisteo.