1 Mga Cronica 5:26 - Marahay na Bareta Biblia

²⁶ Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

1 Mga Cronica 5:26 ပူးပေါင်းရင်းမြစ်များ

2 Samuel 24:1

Naanggot giraray an Kagurangnan sa Israel asin hiniro niya si David na iyo an magdara nin kasakitan sa sainda. Tinaraman nin Kagurangnan si David, “Lakaw asin sensohon mo an mga tawo nin Israel saka Juda.”

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 16:7

Nagsugo si Ahaz nin mga tawohan ki Tiglat-pileser, an emperador nin Asiria; ini an ipinasabi niya: “Ako an maimbod mong sorogoon. Magdigdi ka asin iligtas mo ako sa hade nin Siria asin sa hade nin Israel, na nagsasalakay sako.”

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:11

An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 19:12

Rinaot kan sakong mga ginikanan an mga syudad nin Gozan, Haran asin Rezef, dangan ginadan ninda an mga taga Eden na nag-erok sa Tel-assar; mayo sa saindang mga dios an nakapagligtas sa sainda.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

1 Mga Cronica 9:1

Nakalista an gabos na mga taga Israel sosog sa saindang mga pamilya, asin ini nakatala sa An Libro kan mga Hade nin Israel. Itinapok sa Babilon an mga taga Juda bilang padusa kan saindang kasalan.

2 Mga Cronica 28:20

Si Tiglat-pileser na emperador kan Asiria iyo an nagsalungat asin nagpasakit ki Ahaz, embes na magtabang saiya.

2 Mga Cronica 30:6

Naglibot sa bilog na Israel saka Juda an mga sugo dara an mga surat kan hade asin kan mga opisyal na nagpapahayag nin siring: “Banwaan nin Israel, nakaligtas kamo sa kamot kan mga hade nin Asiria. Kaya magbalik kamo sa Kagurangnan, an Dios ni Abraham, ni Isaac saka ni Jacob, asin mabalik man saindo an Dios.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

Esdras 1:5

Dangan an mga pamayo kan kamaganakan ni Juda asin ni Benjamin, an mga padi saka mga Levita, asin an lambang saro na an puso hiniro nin Dios, nag-andam sa pagbalik sa Jerusalem asin sa paghirahay kan Templo nin Kagurangnan duman.

Isaias 37:12

Rinaot kan sakong mga ginikanan an mga syudad nin Gozan, Haran, saka Rezep, dangan ginaradan ninda an mga taga Eden na nag-erok sa Tel-asar; mayo ni saro sa saindang dios an nagligtas sa sainda.

Isaias 37:18

Totoong gayo, O Kagurangnan, na rinaot kan mga emperador nin Asiria, an mga nasyon asin an saindang mga daga.