1 Mga Cronica 5:20 - Marahay na Bareta Biblia

²⁰ Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

1 Mga Cronica 5:20 ပူးပေါင်းရင်းမြစ်များ

Genesis 25:21

Huli ta dai nag-aaki si Rebecca, namibi si Isaac sa Kagurangnan. Sinimbag nin Kagurangnan an pamibi ni Isaac asin nagbados si Rebecca.

Genesis 49:19

“Sasalakayon si Gad kan grupo nin mga tulisan, Alagad mabirik siya asin lalamagon sinda.

1 Mga Hade 22:32

Kaya kan mahiling ninda si Jehosafat, gabos sinda nagsaboot na si Jehosafat an hade nin Israel kaya nagbirik sinda tanganing salakayon siya. Alagad kan pagkurahaw ni Jehosafat,

1 Mga Cronica 5:21

Nasamsam ninda sa mga kaiwal an singkwenta mil na mga kamelyo, dos syentos singkwenta mil na mga karnero, dos mil na mga asno, asin nakabihag sinda nin sanggatos mil na mga kaiwal.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

2 Mga Cronica 13:18

Kaya nanggana laban sa mga taga Israel an mga taga Juda huli ta nagsarig sinda sa Kagurangnan, an Dios kan saindang mga ginikanan.

2 Mga Cronica 18:31

Kaya kan mahiling ninda si Jehosafat, nagsaboot sinda na siya na an hade nin Israel. Nagbirik sinda tanganing salakayon siya, alagad nagkurahaw si Jehosafat. Tinabangan siya nin Kagurangnan asin pinaontok an pagsalakay saiya kan mga kaiwal, huli

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

2 Mga Cronica 26:7

Tinabangan siya nin Dios na madaog an mga Filisteo, an mga Arab na nag-eerok sa Gurbaal asin an mga Meunita.

2 Mga Cronica 33:13

Dinangog nin Dios an saiyang pamibi asin tinugotan siyang makabalik sa Jerusalem, sa saiyang kahadean. Dangan naaraman ni Manases na an Kagurangnan iyo an Dios.

Esdras 8:23

Kaya nag-ayuno kami saka nagpamibi sa samuyang Dios tanganing iligtas kami, asin dinangog niya an samong pamibi.

Salmo 37:39

Hale sa Kagurangnan an kaligtasan nin mga matanos; siya an saindang pailihan sa panahon nin kasakitan.

Salmo 37:40

Tinatabangan niya sinda asin iliniligtas; iliniligtas niya sa mga maraot na tawo, huli ta saiya sinda minapaili.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Exodo 17:11

Mantang nakaitaas an mga kamot ni Moises, nanggagana an mga Israelita, alagad kun nakaibaba an saiyang mga kamot, nanggagana an mga Amalekita.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Jeremias 39:18

Ililigtas taka; dai ka magagadan. Ililigtas ko an saimong buhay bilang regalo nin ralaban huli ta nanarig ka sako. Ako, an Kagurangnan, an nagtaram.”

Daniel 6:23

Naogma nin marahay an hade asin nagboot na hawason si Daniel sa kalot. Kaya hinawas ninda si Daniel asin nahiling nindang dai man lamang siya nalugadan, huli ta nagsarig siya sa Dios.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Josue 10:14

Dai pa lamang nangyari asin dai na liwat mangyayari an siring na aldaw na an Kagurangnan nagkuyog sa sarong tawo. Nakilaban an Kagurangnan para sa Israel.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.

Josue 23:10

Maski siisay saindo pwedeng makapadulag nin sangribong tawo, huli ta an Kagurangnan iyo an nakikilaban para saindo, siring sa saiyang panuga.

1 Samuel 19:15

Alagad pinabalik sinda ni Saul tanganing sinda mismo an humiling ki David. Pinagbotan sinda kan hade, “Daraha nindo siya sako sa saiyang nahihigdaan tanganing gadanon ko.”

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”