1 Mga Cronica 5:2 - Marahay na Bareta Biblia

² Alagad an tribu ni Juda iyo an nagin pinakamakosog, asin saiya naggikan an pamayo kan gabos na tribu, maski ngani an deretso kan matua yaon ki Jose.)

1 Mga Cronica 5:2 ပူးပေါင်းရင်းမြစ်များ

Genesis 25:31

Nagsimbag si Jacob, “Tatawan taka kaini kun itao mo sako an saimong deretso bilang matuang aking lalaki.”

Genesis 35:23

An mga aki ni Lea iyo si Ruben (an matuang aking lalaki ni Jacob), si Simeon, Levi, Juda, Issakar, asin Zabulon.

Genesis 48:5

Nagpadagos si Jacob, “Jose, an duwa mong aking namundag digdi sa Egipto bago ako nagdigdi, sadiri ko; mga aki ko si Efraim saka si Manases, siring na mga aki ko si Ruben asin si Simeon.

Genesis 49:26

An mga bendisyon kan saimong ama orog pa ki sa bendisyon Na inako kan saiyang mga magurang, Orog pa ki sa mga biyaya kan daing tapos na kabubuldan. Ining mga bendisyon mamugtak logod sa payo ni Jose, Sa angog kan pinalaen sa saiyang mga tugang.

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

1 Mga Cronica 28:4

Alagad pinili ako nin Kagurangnan na Dios nin Israel na maghade sagkod pa man sa Israel. Pinili niya an tribu ni Juda bilang pamayo; asin gikan sa tribu ni Juda pinili niya an pamilya nin sakong ama. Sa mga aking lalaki nin sakong ama, naogma siyang pilion ako na magin hade kan bilog na Israel.

Salmo 108:8

Sakuya an Gilead, sakuya an Manases; an Efraim iyo an sakuyang helmet, an Juda iyo an sakong setro.

Salmo 60:7

Sakuya an Gilead, sakuya an Manases; an Efraim an sakuyang helmet, an Juda an sakuyang setro.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mga Bilang 2:3

An mga grupo na nasa irarom kan bandera kan dibisyon ni Juda makampo sa parteng sirangan, sa irarom kan saindang mga lider, siring sa minasunod: Tribu Lider Bilang Juda si Nason na aking lalaki ni Amminadab setenta y kwatro mil seis syentos Issakar si Netanel na aking lalaki ni Zuar singkwenta y kwatro mil kwatro syentos Zabulon si Eliab na aking lalaki ni Helon singkwenta y syete mil kwatro syentos An kabilogan na bilang kan dibisyon ni Juda minaabot sa syento otsenta y seis mil kwatro syentos. Sinda an enot na malakaw.

Mga Bilang 7:12

Ini an orden kan aroaldaw nindang pagdara kan saindang mga dolot: Sa enot na aldaw, si Nason na aking lalaki ni Amminadab asin lider kan tribu ni Juda; sa ikaduwang aldaw, si Netanel na aking lalaki ni Zuar asin lider kan tribu ni Issakar; sa ikatolong aldaw, si Eliab na aking lalaki ni Helon asin lider kan tribu ni Zabulon; sa ikaapat na aldaw, si Elizur na aking lalaki ni Sedeur asin lider kan tribu ni Ruben; sa ikalimang aldaw, si Selumiel na aking lalaki ni Zurisaddai asin lider kan tribu ni Simeon; sa ikaanom na aldaw, si Eliasaf na aking lalaki ni Deuel asin lider kan tribu ni Gad; sa ikapitong aldaw, si Elisama na aking lalaki ni Ammihud asin lider kan tribu ni Efraim; sa ikawalong aldaw, si Gamaliel na aking lalaki ni Pedazur asin lider kan tribu ni Manases; sa ikasiyam na aldaw, si Abidan na aking lalaki ni Gideoni asin lider kan tribu ni Benjamin; sa ikasampolong aldaw, si Ahiezer na aking lalaki ni Ammisaddai asin lider kan tribu ni Dan; sa ikaonseng aldaw, si Pagiel na aking lalaki ni Okran asin lider kan tribu ni Aser; sa ikadoseng aldaw, si Ahira na aking lalaki ni Enan asin lider kan tribu ni Neftali. Parareho an darang mga dolot kan lambang saro: sarong platang mangko na sarong kilo may kabanga an timbang; sarong platang palanggana na otso syentos gramos an timbang, sosog sa kinaugalean na timbang kan Tabernakulo na parehong pano nin arinang sinalakan nin lana bilang dolot na pagkakan; sarong bulawan na plato na syento dyes gramos an timbang, asin pano nin insenso; sarong torilyong baka, sarong lalaking karnero saka sarong kordero na sangtaon an edad bilang tinutong na atang; sarong kanding bilang dolot para sa kasalan; duwang torong baka, limang lalaking karnero, limang kanding dangan limang kordero na manangtaon an edad bilang dolot para sa katoninongan.

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Roma 8:29

An mga pinili na nin Dios, linaen man niya tanganing magin arog sinda sa saiyang Aki, tanganing an Aki iyo an magin panganay sa dakul na magturugang.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”

Hebreyo 7:14

Aram nang gayo na gikan siya sa tribu ni Juda; dai lamang nasambit ni Moises an tribung ini kan magtaram siya dapit sa mga padi.

Josue 14:6

Sarong aldaw, nagkapirang mga tawo na gikan sa tribu ni Juda an nagduman ki Josue sa Gilgal. An saro sainda, si Caleb na aki ni Jefunne na Keneceo, nagsabi saiya, “Aram mo an itinaram nin Kagurangnan ki Moises, an sorogoon nin Dios, manongod sa satong duwa duman sa Kades-barnea.

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”

Hukom 1:2

Nagtaram an Kagurangnan, “Maeenot an tribu ni Juda; itatao ko an daga sa saindang mga kamot.”

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:10

Saro-sarong dinara ni Jesse ki Samuel an pito niyang aking lalaki alagad sinabihan ni Samuel si Jesse, “Bako sinda an napili nin Kagurangnan.”

1 Samuel 16:12

Kaya ipinaapod siya ni Jesse. Gwapo siyang lalaki, hoben, mabaskog asin magayon an mga mata. Tinaraman nin Kagurangnan si Samuel, “Tindog, lahidan mo siya, huli ta iyo na siya.”