1 Mga Cronica 5:1 - Marahay na Bareta Biblia

¹ Iyo ini an mga kapagarakian ni Ruben, an matua sa mga aking lalaki ni Jacob. (Huli ta dinorogan niya an saro sa mga kasaroan kan saiyang ama, henale saiya an mga deretsong para sa matuang aking lalaki asin an mga deretsong ini itinao ki Jose.

1 Mga Cronica 5:1 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Genesis 25:31

Nagsimbag si Jacob, “Tatawan taka kaini kun itao mo sako an saimong deretso bilang matuang aking lalaki.”

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

Genesis 35:22

Kan nag-eerok na si Jacob sa dagang idto, dinorogan ni Ruben si Bilha na saro kan mga kasaroan nin saiyang ama; naanggot nin marahay si Jacob kan maisihan ini. Dose an mga aking lalaki ni Jacob.

Genesis 46:8

An pamilya ni Jacob na kaiba niyang nagpasiring sa Egipto iyo an matua niyang aking si Ruben

Genesis 48:5

Nagpadagos si Jacob, “Jose, an duwa mong aking namundag digdi sa Egipto bago ako nagdigdi, sadiri ko; mga aki ko si Efraim saka si Manases, siring na mga aki ko si Ruben asin si Simeon.

1 Mga Cronica 2:1

An doseng aking lalaki ni Jacob iyo si Ruben, Simeon, Levi, Juda, Issakar, Zabulon,

1 Mga Cronica 26:10

Gikan sa kamaganakan ni Merari, napili si Hosa na igwa nin apat na aking lalaki. An mga ini iyo si Simri (siya an ginibong pamayo kan saiyang ama, maski bako man siya an matuang aki),

Exodo 6:14

Si Ruben, na matuang aki ni Jacob, igwa nin apat na aking lalaki: si Hanok, Pallu, Hezron, asin si Carmi; sinda an mga ginikanan kan mga kamaganakan na nagdadara kan saindang mga ngaran.

Levitico 18:8

Dai nindo pagtawan nin kasosopgan an saindong ama huli sa pagdorog sa kiisay man sa saiyang ibang agom.

Levitico 20:11

An siisay man na lalaking magdorog sa saro kan mga agom kan saiyang ama, nagdadara nin kasosopgan sa saiyang ama asin dapat gadanon kaiba kan babae. Sinda an responsable kan sadiri nindang kagadanan.

Mga Bilang 1:5

Iyo ini an ngaran kan mga lalaki, na mga lider sa saindang mga tribu, na pinili hale sa saindang komunidad para sa trabahong ini: Tribu Pamayo kan Kamaganakan Ruben si Elizur na aking lalaki ni Sedeur Simeon si Selumiel na aking lalaki ni Zurisaddai Juda si Nason na aking lalaki ni Amminadab Issakar si Netanel na aking lalaki ni Zuar Zabulon si Eliab na aking lalaki ni Helon Efraim si Elisama na aking lalaki ni Ammihud Manases si Gamaliel na aking lalaki ni Pedazur Benjamin si Abidan na aking lalaki ni Gideoni; Dan si Ahiezer na aking lalaki ni Ammisaddai Aser si Pagiel na aking lalaki ni Okran Gad si Eliasaf na aking lalaki ni Deuel Neftali si Ahira na aking lalaki ni Enan.

Mga Bilang 16:1

Nagrebelde laban sa pamamayo ni Moises si Kora na aking lalaki ni Izar na gikan sa Levitang kamaganakan ni Kohat. Nag-apil saiya an tolong lalaking gikan sa tribu ni Ruben na si Datan saka si Abiram na mga aking lalaki ni Eliab, asin si On na aking lalaki ni Pelet. Nagrebelde sinda laban ki Moises kaiba an dos syentos singkwentang mga midbid na lider kan komunidad.

Mga Bilang 26:5

An mga kaayon sa tribu ni Ruben na matuang aking lalaki ni Jacob iyo an mga kamaganakan ni Hanok, ni Pallu,

1 Corinto 5:1

May nakapagbareta sako na diyan saindo igwa daa nin sarong lalaki na nakikidorog sa saiyang madrasta. Iyan sarong karigsokan na maski an mga pagano dai nangangahas na maggibo.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

Deuteronomio 27:20

“‘Maldisyonon an siisay man na magsopog sa saiyang ama huli sa pagdorog sa arin man sa mga agom kan saiyang ama.’ “Dangan an bilog na banwaan masimbag, ‘Amen!’

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”

Colosas 1:15

Si Cristo an ladawan kan Dios na dai nahihiling. Siya an panganay—an pinakamapangyari sa gabos na linalang.

Josue 14:6

Sarong aldaw, nagkapirang mga tawo na gikan sa tribu ni Juda an nagduman ki Josue sa Gilgal. An saro sainda, si Caleb na aki ni Jefunne na Keneceo, nagsabi saiya, “Aram mo an itinaram nin Kagurangnan ki Moises, an sorogoon nin Dios, manongod sa satong duwa duman sa Kades-barnea.