1 Mga Cronica 4:9 - Marahay na Bareta Biblia

⁹ Igwa nin sarong lalaki na an ngaran Jabez, na iyo an orog na ginagalangan sa saiyang pamilya. Nginaranan siyang Jabez kan saiyang ina, huli ta nakulogan ini nin marahay kan siya mamundag.

1 Mga Cronica 4:9 ပူးပေါင်းရင်းမြစ်များ

Genesis 3:16

Dangan tinaraman niya an babae, “Dadagdagan ko an kulog na titioson mo sa saimong pagbados asin pag-aki. Alagad, dai mawawara an saimong pagmawot para sa saimong agom asin siya an saimong pagkukuyogon.”

Genesis 34:19

Kaya ginibo tolos kan hoben an hinagad saiya, huli ta namotan niya si Dina. Siya an pinakaimportanteng myembro kan saiyang pamilya.

Genesis 35:18

Alagad naghihingagdan na si Rachel asin bago siya nautsan, nginaranan niyang Benoni an saiyang aki, alagad inapod ining Benjamin kan saiyang ama.

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

1 Mga Cronica 4:8

Si Koz iyo an ama ni Anub saka ni Zobeba, asin an ginikanan kan mga kamaganakan na gikan ki Aharhel na aking lalaki ni Harum.

1 Mga Cronica 7:23

Dangan dinorogan giraray ni Efraim an saiyang agom, nagbados ini asin nangaki nin sarong lalaki. An aki nginaranan nindang Berias, huli sa kasakitan na uminabot sa saindang pamilya.

Mga Talinhaga 23:25

Gibohang ipag-orgulyo ka kan saimong mga magurang; tawan sa saimong ina an kaogmahan na iyan.

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Mga Gibo 17:11

An mga Judio duman mas andam na mag-ako kan mensahe ki kan mga idtoon sa Tesalonica. Maogma nindang inako an tataramon; aroaldaw nag-aadal sinda kan mga Kasuratan sa pagsiyasat kun totoo mananggad an pinagsasabi ni Pablo sainda.

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.