1 Mga Cronica 4:10 - Marahay na Bareta Biblia

¹⁰ Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

1 Mga Cronica 4:10 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 12:8

Dangan nagpasiring siya sa mabulod na lugar sa sirangan kan Betel asin itinugdok an saiyang tolda sa pagultanan kan Betel na nasa solnopan asin kan Ai na nasa sirangan. Guminibo siya duman nin altar asin nagsamba sa Kagurangnan.

Genesis 28:20

Dangan nagsumpa si Jacob sa Kagurangnan na an sabi, “Kun iibahan asin aatamanon mo ako sa sakong paglakaw, tatawan nin pagkakan saka gubing,

Genesis 28:21

asin kun matoninong akong makabalik sa harong nin sakong ama, ika an sakong magigin Dios.

Genesis 32:26

Dangan nagsabi an lalaki, “Butasi ako, huli ta nagliliwanag na.” Nagsimbag si Jacob, “Dai taka bubutasan sagkod na dai mo ako bendisyonan.”

Genesis 32:27

Naghapot an lalaki, “Ano an ngaran mo?” “Jacob,” an simbag kaini.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 33:20

Nagpatindog siya nin altar duman asin nginaranan niyang El-Elohe-Israel.

Genesis 48:16

Bendisyonan logod an mga aking ini kan anghel na nagligtas sako sa gabos na maraot! Huli sa mga aking ini, mabuhay logod an sakong ngaran asin an ngaran kan sakong mga magurang na si Abraham asin si Isaac! Magkaigwa logod sinda nin dakul na aki, asin dakul na kapagarakian!”

1 Mga Cronica 16:8

Magpasalamat kamo sa Kagurangnan, mag-apod sa saiyang ngaran; an saiyang mga gibo irukyaw nindo sa mga banwaan!

1 Mga Cronica 4:11

Si Caleb, na tugang na lalaki ni Suha, iyo an ama ni Mehir, na ama ni Eston.

1 Mga Cronica 4:9

Igwa nin sarong lalaki na an ngaran Jabez, na iyo an orog na ginagalangan sa saiyang pamilya. Nginaranan siyang Jabez kan saiyang ina, huli ta nakulogan ini nin marahay kan siya mamundag.

An Libro ni Job 12:4

Ako nagin ngingisihan ngunyan kan sakong mga katood; ako, na nag-apod sa Dios asin sinimbag niya, ako, na matanos saka mayong sala.

Salmo 119:173

Magin andam logod an saimong kamot sa pagtabang sako, huli ta pinili ko an mga pagboot mo.

Salmo 121:7

Ililikay ka nin Kagurangnan sa gabos na pag-alaman; aatamanon niya an saimong buhay.

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 21:4

Naghagad siya nin buhay, ini itinao mo; halawig na buhay asin daing kataposan.

Salmo 51:12

Ibalik mo sako an kaogmahan nin saimong kaligtasan, asin giboha akong makinuyog-kuyog saimo.

Salmo 51:8

Panoa ako nin kaogmahan asin kagayagayahan; gibohang magin maogma an rinonot mong mga tolang.

Salmo 55:16

Alagad ako namimibi sa Dios; asin ililigtas ako nin Kagurangnan.

Salmo 65:2

huli ta dinadangog mo an mga pamibi. An gabos na tawo saen man na lugar madolok saimo

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Mga Talinhaga 30:8

dai mo ako pagpabayaan na magin putikon asin dai mo ako pagpayamanon o pagin dukhaon. Itao mo sako an maninigo ko sanang kakanon.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Mateo 26:75

Dangan nagiromdoman ni Pedro an sinabi ni Jesus saiya, “Bago magturaok an manok, tolong beses mo akong nenegaran.” Nagluwas siya saka nagtangis nin mapait.

Mateo 6:13

Hare kami pabayae na madaog nin sogot, alagad agawon mo kami sa maraot.’

Lukas 19:42

An sabi niya, “Kun aram mo pa sana sa aldaw na ini an mga kaipuhan para sa katoninongan! Alagad dai mo iyan nahihiling ngunyan!

Juan 10:28

Tinatawan ko sinda nin buhay na daing kataposan, asin dai nanggad sinda mawawara; mayo nin makakaagaw sainda sako.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Mga Gibo 3:26

Kaya pinili nin Dios an saiyang Sorogoon; kamo an enot na pinadumanan saiya, tanganing bendisyonan dangan tabangan kamong tumalikod sa karatan.”

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Roma 16:19

Bantog sa gabos an pagkuyog nindo sa Marahay na Bareta asin ikinaoogma ko kamo. Mawot ko na kamo magin madonong sa mga bagay na marahay, asin inosente sa mga bagay na maraot.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Efeso 3:20

Sa Dios, na sa paagi kan saiyang kapangyarihan na naghahade sato nakakagibo kan gabos na bagay labi pa sa satong hinahagad o iniisip,

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.

1 Samuel 1:17

Nagsabi si Eli, “Lakaw sa katoninongan asin itao logod saimo kan Dios nin Israel an hinahagad mo saiya.”

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”

1 Samuel 1:26

Sinabihan ni Hanna si Eli, “Kun saimong nagigiromdoman, ako idtong babae na nahiling mong nagtitindog digdi na namimibi sa Kagurangnan.

1 Samuel 1:27

Namibi ako na tawan ako nin aki asin itinao niya an sakong hinagad.