1 Mga Cronica 3:15 - Marahay na Bareta Biblia

¹⁵ Nagkaigwa nin apat na aking lalaki si Josias na iyo si Johanan, Jehoiakim, Zedekias, asin Sallum.

1 Mga Cronica 3:15 ပူးပေါင်းရင်းမြစ်များ

2 Mga Hade 23:31

Beynte y tres na taon an edad ni Joahaz kan siya magin hade nin Juda, asin tolong bulan siyang naghade sa Jerusalem. An saiyang ina iyo si Hamutal, na aki ni Jeremias na taga Libna.

2 Mga Hade 23:34

Si Eliakim, na aking lalaki ni Josias, iyo an ibinugtak ni Neco na hade nin Juda bilang kasalihid ni Josias, dangan an ngaran niya rinibayan ni Neco nin Jehoiakim. Si Joahaz dinara ni Neco sa Egipto, asin duman siya nagadan.

2 Mga Hade 24:17

Si Mattanias na tiyo ni Jehoiakin iyo an ibinugtak ni Nebukadnezzar na hade nin Juda bilang kasalihid ni Jehoiakin; dangan an ngaran niya rinibayan ni Nebukadnezzar nin Zedekias.

1 Mga Cronica 3:14

aki ni Manases si Amon, na ama ni Josias.

1 Mga Cronica 3:16

Duwa an aking lalaki ni Jehoiakim; si Jehoiakin asin si Zedekias.

2 Mga Cronica 36:1

Pinili kan banwaan nin Juda si Joahaz, na aking lalaki ni Josias, asin ginibong hade nin Jerusalem bilang kasalihid kan saiyang ama.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

Jeremias 1:3

Kinaolay giraray siya nin Kagurangnan kan an hade iyo si Jehoiakim na aking lalaki ni Josias. Pakalihis kaidto, kadakul pang beses na kinaolay siya nin Kagurangnan sagkod kan pagkabihag kan mga taga Jerusalem. Nangyari ini kan ikalimang bulan kan ikaonseng taon kan paghahade ni Zedekias na aking lalaki ni Josias.

Jeremias 22:11

An Kagurangnan nagsasabi manongod ki Joahaz na aking lalaki ni Josias, na nagsalihid sa saiyang ama bilang hade nin Juda, “Naghale siya sa lugar na ini asin dai na siya mabalik.

Jeremias 22:18

Kaya nagsasabi an Kagurangnan manongod ki Jehoiakim na aking lalaki ni Josias, na hade nin Juda: “Mayo nin magmomondo sa saiyang pagkagadan ni masabi, ‘O sakong tugang. O sakong tugang! Mayo nin magtatangis para saiya ni makurahaw, ‘Sakong kagurangnan! Sakong hade!’

Jeremias 24:8

“Alagad manongod ki Hadeng Zedekias nin Juda, sa saiyang mga lider, sa iba pang mga taga Jerusalem na nagpawalat sa dagang ini o nagduman sa Egipto—ako, an Kagurangnan, an matratar sainda siring sa ralapang higera na dai pwedeng kakanon.

Jeremias 26:1

Kan pagpoon kan paghahade sa Juda ni Jehoiakim na aking lalaki ni Josias,

Jeremias 37:1

Si Zedekias na aking lalaki ni Josias iyo an ibinugtak ni Hadeng Nebukadnezzar nin Babilonia na hade sa Juda, bilang kasalihid ni Jehoiakin na aking lalaki ni Jehoiakim.