1 Mga Cronica 3:10 - Marahay na Bareta Biblia

¹⁰ Iyo ini an mga kapagarakian ni Solomon: an saiyang aki na si Rehoboam iyo an ama ni Abias, na ama ni Asa, na ama ni Jehosafat;

1 Mga Cronica 3:10 ပူးပေါင်းရင်းမြစ်များ

1 Mga Hade 11:43

Nagadan siya asin ilinubong sa Syudad ni David. Nagin kasalihid niya bilang hade an saiyang aking si Rehoboam.

1 Mga Hade 14:31

Nagadan si Rehoboam asin ilinubong sa lulubngan kan mga hade sa Syudad ni David. (An saiyang ina iyo si Naama na taga Ammon.) An aki niyang si Abias iyo an nagsalihid saiya bilang hade.

1 Mga Hade 15:24

Nagadan siya asin ilinubong sa lulubngan kan mga hade sa Syudad ni David. An aki niyang lalaki na si Jehosafat iyo an nagsalihid saiya bilang hade.

1 Mga Hade 15:6

Si Abias saka si Jeroboam danay na nag-iwal sa bilog na panahon kan paghahade ni Abias.

1 Mga Hade 15:8

Nagadan si Abias asin ilinubong sa Syudad ni David. Si Asa na aki niyang lalaki iyo an nagsalihid saiya bilang hade.

1 Mga Cronica 3:11

aki ni Jehosafat si Jehoram, na ama ni Ahazias, na ama ni Joas;

1 Mga Cronica 3:9

Laen pa kaini, nagkaigwa si David nin mga aking lalaki sa saiyang mga kasaroan. Nagkaigwa man siya nin sarong aking babae na an ngaran Tamar.

2 Mga Cronica 13:1

Kan ikadyes y otsong taon nin paghahade ni Jeroboam sa Israel, nagin hade kan Juda si Abias,

2 Mga Cronica 14:1

Nagadan si Hadeng Abias asin ilinubong sa Syudad ni David. Si Asa na saiyang aking lalaki iyo an nagsalihid saiya bilang hade, asin kan panahon niya, an daga nagkaigwa nin katoninongan sa laog nin sampolong taon.

2 Mga Cronica 17:1

Si Jehosafat an nagin kasalihid bilang hade kan saiyang ama na si Asa, asin pinakosog niya an saiyang kamugtakan laban sa Israel.