1 Mga Cronica 29:9 - Marahay na Bareta Biblia

⁹ Tudok sa boot na nagtarao nin dolot an banwaan; naogma sinda huli ta dakul an idinolot sa Kagurangnan. Nag-ogma man nin marahay an hade na si David.

1 Mga Cronica 29:9 ပူးပေါင်းရင်းမြစ်များ

1 Mga Hade 8:61

Kamo, na saiyang banwaan, magdanay logod na maimbod sa Kagurangnan na satong Dios, magkuyog kan gabos niyang togon asin pagboot arog ngunyan na aldaw.”

2 Mga Hade 12:5

An lambang padi iyo an namahala sa kwartang dinara kan saiyang pinaglingkodan. Dangan an kwarta gagamiton ninda sa paghirahay kan Templo sa oras na may mahiling digdi na dapat hirahayon.

1 Mga Cronica 29:10

Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

2 Mga Cronica 17:16

An sunod iyo si Amasias na aking lalaki ni Zikri, na sakop an dos syentos mil na soldados. (Boluntad na idinolot ni Amasias an saiyang paglingkod sa Kagurangnan.)

2 Mga Cronica 24:10

Naogma an banwaan asin an saindang mga lider. Dinara ninda an saindang buhis dangan ihinulog sa kahon sagkod na napano idto.

2 Mga Cronica 31:8

Kan mahiling kan hade saka kan saiyang mga opisyal an kadakul na dolot, inomaw ninda an Kagurangnan asin an banwaan nin Israel.

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Exodo 35:29

Nagdarara kaining mga dolot an gabos na Israelita na boot magtabang, lalaki man o babae, bilang dolot sa Kagurangnan para sa trabaho na ipinapagibo niya ki Moises.

Lukas 15:6

Pag-abot niya sa harong, inaapod niya an saiyang mga katood saka mga kataed asin sinasabihan, ‘Mag-ogma kita, huli ta nakua ko na an karnerong nawara!’

Juan 15:11

“Sinasabi ko saindo an mga bagay na ini tanganing mapasaindo an kaogmahan ko asin magsupay an saindong kaogmahan.

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

2 Corinto 8:3

Makakapagpatotoo ako saindo na nagboluntad sindang magtao sosog sa makakaya ninda, asin labi pa ngani kaiyan.

Filipos 4:1

Kaya namomotan kong mga tugang, kamo na hinihidaw kong gayo, na sakong kaogmahan asin sakong orgulyo, magdanay kamong pusog sa Kagurangnan.

Filipos 4:10

Nag-oogma ako nin marahay sa Kagurangnan huli ta pakalihis nin halawig na panahon, nagpahiling giraray kamo ngunyan kan saindong pagmakulog sako. An boot kong sabihon, bako na nalingawan na nindo ako, kundi dai sana kamo nagkaigwa nin oportunidad na ikapahiling an saindong pagmakulog sako.

Hukom 5:9

Nasa mga pamayo nin Israel an puso ko, asin nasa mga tawong nag-iriba na may kaogmahan. Pag-omawon an Kagurangnan!