1 Mga Cronica 29:29 - Marahay na Bareta Biblia

²⁹ An mga ginibo ni Hadeng David, poon sa kapinonan sagkod sa kataposan, nasusurat sa mga Cronica kan mga propeta na si Samuel, si Natan, asin si Gad.

1 Mga Cronica 29:29 ပူးပေါင်းရင်းမြစ်များ

2 Samuel 24:11

Tinaraman nin Kagurangnan si Gad, an propeta ni David, “Lakaw asin sabihan mo si David na tinatawan ko siya nin tolong pagpipilian. Gigibohon ko an arin man na saiyang pilion.” Sunod na aldaw, pakabangon ni David,

1 Mga Hade 11:41

An iba pang gibo ni Solomon, an saiyang paghade asin an saiyang kadonongan, gabos nakasurat sa librong “An Kasaysayan ni Solomon.”

1 Mga Hade 14:29

An iba pang ginibo ni Rehoboam gabos nasusurat sa An Kasaysayan kan mga Hade nin Juda.

1 Mga Cronica 29:30

Nasusurat digdi an saiyang paghahade, an saiyang kapangyarihan, asin an gabos na nangyari saiya saka sa Israel, sagkod sa mga kataraed na kahadean.

1 Mga Cronica 9:22

An kabilogan na bilang kan mga lalaking napili na magbantay sa mga trangkahan asin mga pintoan uminabot sa dos syentos dose. Nakatala an saindang mga ngaran sosog sa mga lugar na saindang pinag-erokan. Si Hadeng David asin an propetang si Samuel iyo an nagbugtak kan saindang mga ginikanan sa mahalagang katongdan na ini.

2 Mga Cronica 12:15

An mga gibo ni Rehoboam, magpoon sa kapinonan, nasusurat sa An Kasaysayan ni Semaias na Propeta asin sa An Kasaysayan ni Iddo na Propeta. Danay na naglalaban si Rehoboam saka si Jeroboam.

2 Mga Cronica 25:26

An iba pang ginibo ni Amazias poon sa kapinonan sagkod sa kataposan gabos nasusurat sa An Kasaysayan nin mga Hade nin Juda asin nin Israel.

2 Mga Cronica 9:29

An iba pang mga ginibo ni Solomon, magpoon sa kapinonan sagkod sa kataposan, nasusurat sa An Kasaysayan ni Natan na Propeta, asin sa An Propesiya ni Ahias kan Shilo, patin sa An mga Bisyon ni Iddo na Propeta, na nag-iistorya man kan paghahade sa Israel ni Jeroboam na aking lalaki ni Nebat.

1 Samuel 22:5

Dangan sinabihan si David kan propetang si Gad, “Dai ka mag-ontok digdi; magduman ka tolos sa daga nin Juda.” Kaya naghale si David asin nagduman sa kadlagan nin Heret.

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)