1 Mga Cronica 29:24 - Marahay na Bareta Biblia

²⁴ An gabos na lider asin mga soldados patin an iba pang mga aking lalaki ni David nanuga na magigin maimbod ki Hadeng Solomon.

1 Mga Cronica 29:24 ပူးပေါင်းရင်းမြစ်များ

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

1 Mga Cronica 22:17

Pinagbotan man ni David an gabos na lider nin Israel na tabangan si Solomon na saiyang aki.

1 Mga Cronica 28:21

Natawan na nin mga katongdan sa Templo an mga padi saka mga Levita. Andam sa pagtabang saimo an gabos na tawong igwa nin kakayahan. An gabos na opisyal asin an bilog na banwaan nasa irarom kan saimong pagboot.”

1 Mga Cronica 29:23

Kaya nagtukaw si Solomon sa trono nin Kagurangnan bilang hade na kasalihid kan saiyang ama. Nagin mauswag siya asin nagkuyog saiya an bilog na Israel.

1 Mga Cronica 29:25

Pinangagin bantog nin Kagurangnan si Solomon sa atubang kan bilog na Israel, asin orog na pinadakula ki sa mga naenot na naghade sa Israel.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

Jeremias 50:15

Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”