1 Mga Cronica 29:20 - Marahay na Bareta Biblia

²⁰ Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

1 Mga Cronica 29:20 ပူးပေါင်းရင်းမြစ်များ

Genesis 24:26

Nagluhod an sorogoon dangan nagsamba sa Kagurangnan

Genesis 24:48

Pakatapos, nagduko ako asin nagsamba sa Kagurangnan. Inomaw ko an Kagurangnan, an Dios kan sakong kagurangnan na si Abraham, na nangenot sako pasiring sa mga kadugo kan sakong kagurangnan saen nakua ko an magigin agom kan saiyang aki.

1 Mga Hade 8:15

Nagsabi siya, “Pag-omawon an Kagurangnan Dios nin Israel! Inotob niya an saiyang panuga sa sakong ama kan siya magtaram,

1 Mga Cronica 16:36

Pag-omawon an Kagurangnan, an Dios nin Israel, ngunyan asin sagkod pa man!” Dangan an mga tawo nagsabi, “Amen!” asin nag-omaw sa Kagurangnan.

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

Nehemias 8:6

Inomaw ni Esdras an Kagurangnan, an dakulang Dios, asin initaas kan gabos an saindang mga kamot saka nagsirimbag, “Amen! Amen!” Nagdarapa sinda asin nagsaramba sa Kagurangnan.

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Salmo 134:2

Iitaas nindo an saindong mga kamot sa banal na lugar asin omawon nindo an Kagurangnan!

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Mga Talinhaga 24:21

Aki ko, matakot ka sa Kagurangnan saka omawon mo an hade. Dai ka mag-ayon sa mga tawong nagtutumang sainda;

Ezekiel 46:10

Paglaog kan mga tawo, malaog man kaiba ninda an prinsipe, dangan kun magruluwas na man an mga tawo maluwas man siya kaiba ninda.

Josue 22:33

Nag-ogma an mga Israelita asin nag-omaw sinda sa Dios. Dai na ninda pinag-orolayan an pagsalakay tanganing tunawon an dagang pinag-erokan kan mga tribu ni Ruben saka ni Gad.

1 Pedro 2:17

Galangan nindo an gabos na tawo; kamotan nindo an mga kapwa paratubod ki Cristo. Matakot kamo sa Dios, saka galangan nindo si Cesar.

1 Samuel 12:18

Kaya namibi si Samuel, asin kan aldaw na idto nagpadara an Kagurangnan nin daguldol saka uran. Dangan nagkatarakot an mga tawo sa Kagurangnan saka ki Samuel.