1 Mga Cronica 29:2 - Marahay na Bareta Biblia

² Ginibo ko na an gabos kong makakaya sa pag-andam kan mga bagay na kaipuhan para sa Templo: mga bulawan, plata, bronse, lansang, mga kahoy, mga mahalagang bato saka mga gapo, mga gapo na manlaen-laen an kolor asin mga marmol.

1 Mga Cronica 29:2 ပူးပေါင်းရင်းမြစ်များ

Genesis 2:12

Digdi makukua an purong bulawan, an mga pambihirang pahamot asin mga batong oniks.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

2 Mga Cronica 3:6

An Templo sinamnohan kan hade nin mga mahalagang bato, saka bulawan na hale pa sa Parvaim.

An Libro ni Job 28:1

“Sa katunayan igwa nin mina nin plata, asin nin lugar saen linilinigan an bulawan.

An Libro ni Job 28:16

An halaga kan kadonongan dai mapapantayan kan pinakapurong bulawan o alahas.

Exodo 28:17

Tampokan ini nin apat na raya nin mga bato: sa enot na raya, itampok nindo an mga batong rubi, topasyo asin karbungko;

Exodo 28:20

dangan sa ikaapat na raya, an mga batong berilo, oniks asin haspe. Ini gabos itatampok sa mga kalopkop na bulawan.

Exodo 28:9

Kumua ka nin duwang batong oniks dangan diyan mo iukit an mga ngaran kan doseng aking lalaki ni Jacob,

Exodo 39:13

asin sa ikaapat na raya, an mga batong berilo, oniks asin jaspe. Ini gabos nakatampok sa kalopkop na bulawan.

Exodo 39:6

Inandam ninda an mga batong oniks dangan itinampok sa kalopkop na bulawan; nakaukit sa mga ini an mga ngaran kan doseng aki ni Jacob.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

2 Corinto 8:3

Makakapagpatotoo ako saindo na nagboluntad sindang magtao sosog sa makakaya ninda, asin labi pa ngani kaiyan.

Colosas 3:23

Anoman an saindong ginigibo, gibohon nindo nin tudok sa puso na garo man sana naglilingkod kamo sa Kagurangnan, bakong sa tawo.