1 Mga Cronica 29:10 - Marahay na Bareta Biblia

¹⁰ Sa atubangan kan bilog na katiriponan, nag-omaw si David sa Kagurangnan asin nagsabi, “Pag-omawon ka, Kagurangnan, Dios ni Jacob na samuyang ginikanan, sa panahon na daing kasagkoran.

1 Mga Cronica 29:10 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 33:20

Nagpatindog siya nin altar duman asin nginaranan niyang El-Elohe-Israel.

1 Mga Hade 8:15

Nagsabi siya, “Pag-omawon an Kagurangnan Dios nin Israel! Inotob niya an saiyang panuga sa sakong ama kan siya magtaram,

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

1 Mga Cronica 29:20

Dangan sinabihan ni David an katiriponan, “Omawon nindo an Kagurangnan na saindong Dios!” an bilog na katiriponan nag-omaw sa Kagurangnan, an Dios nin saindang mga ginikanan, nagduko kan saindang payo asin nagsamba sa Kagurangnan saka nagtaong galang sa hade.

1 Mga Cronica 29:9

Tudok sa boot na nagtarao nin dolot an banwaan; naogma sinda huli ta dakul an idinolot sa Kagurangnan. Nag-ogma man nin marahay an hade na si David.

2 Mga Cronica 31:8

Kan mahiling kan hade saka kan saiyang mga opisyal an kadakul na dolot, inomaw ninda an Kagurangnan asin an banwaan nin Israel.

2 Mga Cronica 6:4

Nagsabi siya, “Pag-omawon an Kagurangnan, an Dios nin Israel! Inotob niya an saiyang panuga ki David na sakuyang ama, kan siya magtaram,

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Nehemias 8:6

Inomaw ni Esdras an Kagurangnan, an dakulang Dios, asin initaas kan gabos an saindang mga kamot saka nagsirimbag, “Amen! Amen!” Nagdarapa sinda asin nagsaramba sa Kagurangnan.

Salmo 138:1

Pinapasalamatan taka, Kagurangnan, sa bilog kong puso; sa atubang kan mga dios inaawit ko an saimong kaomawan.

Salmo 146:2

Oomawon ko siya mantang ako buhay; aawitan ko an sakong Dios sa bilog kong buhay.

Salmo 22:26

Makakan an mga dukha dangan magkakabarasog. Mag-oomaw sa Kagurangnan an mga naghahanap saiya. Mabuhay logod sinda sagkod lamang!

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Salmo 89:52

Pag-omawon an Kagurangnan sagkod pa man! Amen! Amen!

Isaias 63:16

Ika an samong ama. Dai kami minimidbid ni Abraham saka ni Jacob na samong ginikanan, alagad ika, Kagurangnan, na samong ama, iyo an danay na nagliligtas sa samo.

Ezekiel 3:12

Dangan initaas ako kan espiritu nin Dios, asin sa likodan ko nakadangog ako nin sarong makosog na tingog na nagsabi, “Pag-omawon an kamurawayan nin Kagurangnan sa kaitaasan nin langit!”

Daniel 2:20

“Pag-omawon an ngaran nin Dios sagkod lamang! Sadiri nin Dios an kadonongan saka an kakosogan!

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Lukas 11:3

Itao mo samuya an samong kakanon sa aroaldaw.

Roma 1:7

Kaya sinusuratan ko kamo gabos diyan sa Roma na namomotan nin Dios saka pinili niyang magin banal: Mapasaindo an biyaya asin katoninongan na hale sa satong Dios Ama asin sa Kagurangnan na Jesu-Cristo.

Roma 8:15

Huli ta dai nindo inako an espiritu nin kaoripnan tanganing matakot giraray kamo, kundi inako nindo an espiritu nin pagigin aki nin Dios, dangan sa paagi kan kapangyarihan kan Espiritu nin Dios, makakaapod kita saiya, “Ama, Ama ko!”

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Deuteronomio 32:3

Oomawon ko an ngaran nin Kagurangnan, asin an saiyang banwaan magpapahayag kan saiyang kadakulaan.

Filipos 4:20

Pag-omawon an satong Dios asin Ama sagkod nuarin pa man! Amen.

2 Tesalonica 2:16

Rangahon man logod kamo saka pakosogon an boot nindo ni Jesu-Cristo na satong Kagurangnan asin nin Dios na satong Ama, na namoot sato, na sa saiyang biyaya nagtao sato nin daing kataposan na kosog nin boot asin pusog na paglaom, tanganing danay kamong makagibo asin makasabi kan gabos na marahay.

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.

1 Pedro 1:3

Pag-omawon an Dios, Ama ni Jesu-Cristong Kagurangnan ta! Huli kan saiyang dakulang pagkaherak, tinawan niya kita nin bagong buhay huli kan pagkabuhay liwat ni Jesu-Cristo sa mga gadan. Ini an nagtatao sato nin buhay na paglaom,

Kapahayagan 5:12

Nag-aawit sinda sa makosog na tingog, “An Kordero na ginadan maninigo na mag-ako nin kapangyarihan, kayamanan, kadonongan, kakosogan, kaomawan, kamurawayan saka paggalang!”