1 Mga Cronica 28:8 - Marahay na Bareta Biblia

⁸ “Kaya ngunyan, banwaan ko, sa atubangan nin satuyang Dios asin kan katiriponan na ini nin Israel, an banwaan nin Kagurangnan, manuga kamo na kukuyogon nindo an gabos na togon nin Kagurangnan na satuyang Dios, tanganing padagos nindong masadirihan an marahay na dagang ini dangan ikawalat nindo iyan bilang pamana sa saindong mga aki sagkod pa man.”

1 Mga Cronica 28:8 ပူးပေါင်းရင်းမြစ်များ

1 Mga Cronica 28:7

Papadanayon ko an saiyang kahadean kun padagos siyang magkuyog kan sakong mga togon saka mga pagboot arog kan ginigibo niya ngunyan.’

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Salmo 119:27

Tabangi akong masabotan an saimong katogonan, asin hohorophoropon ko an mga makangangalas mong gibo.

Salmo 119:4

Itinao mo samo an saimong mga togon Kagurangnan, asin pinagbotan na maimbod nyamong kuyogon iyan.

Salmo 119:44

Danay kong kukuyogon an saimong katogonan, sa panahon na daing kataposan.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Isaias 34:16

Pagsiyasat kamo sa libro nin mga buhay na linalang kan Kagurangnan asin basahon nindo an sinasabi duman. Minsan saro sa mga linalang na ini dai mawawara, asin minsan saro sainda dai mawawaraan nin agom. Huli ta ipinagboot iyan nin Kagurangnan; siya mismo an matipon sa sainda asin matao sainda kan saindang kahirasan.

Mga Gibo 10:33

Kaya pinasugoan taka. Salamat ta nagdigdi ka. Ngunyan uya kami gabos sa atubang nin Dios sa pagdangog kan gabos na ipinagboot saimo nin Dios na isabi samo.”

Mga Gibo 17:11

An mga Judio duman mas andam na mag-ako kan mensahe ki kan mga idtoon sa Tesalonica. Maogma nindang inako an tataramon; aroaldaw nag-aadal sinda kan mga Kasuratan sa pagsiyasat kun totoo mananggad an pinagsasabi ni Pablo sainda.

Deuteronomio 27:1

Dangan kaiba an mga lider nin Israel nagsabi si Moises sa mga tawo, “Kuyogon nindo an gabos na pagboot na itinatao ko saindo ngunyan na aldaw.

Deuteronomio 29:10

“Nagtitindog kamo ngunyan sa atubang nin Kagurangnan na saindong Dios, kamo gabos—an saindong mga lider saka mga opisyal, mga kalalakihan,

Deuteronomio 29:15

Nakikipagtipan siya sa lambang saro sato na uya digdi sagkod sa satong mga kapagarakian na dai pa namumundag.

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Deuteronomio 4:6

Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”