1 Mga Cronica 28:21 - Marahay na Bareta Biblia

²¹ Natawan na nin mga katongdan sa Templo an mga padi saka mga Levita. Andam sa pagtabang saimo an gabos na tawong igwa nin kakayahan. An gabos na opisyal asin an bilog na banwaan nasa irarom kan saimong pagboot.”

1 Mga Cronica 28:21 ပူးပေါင်းရင်းမြစ်များ

1 Mga Cronica 26:26

Si Selomit saka an mga kaayon sa saiyang pamilya iyo an namahala kan gabos na regalo sa Dios na idinolot ni David, kan mga pamayo nin mga pamilya, kan mga lider kan mga grupo nin kamaganakan, asin kan mga opisyal nin hukbo.

1 Mga Cronica 28:13

Itinao man saiya ni David an plano kan paggrupo-grupo kan mga padi saka mga Levita para sa saindang paglingkod sa Templo, asin para sa pag-ataman kan gabos na kagamitan sa laog kaini.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Exodo 31:3

asin pinano ko siya kan sakong kapangyarihan. Itinao ko saiya an kakayahan, an pakasabot asin kadonongan sa manlaen-laen na gibo sa arte—

Exodo 35:25

An mga babae na tataong magporon, nagdolot kan mga pinoron nindang torsido nin pinong lino asin nin mga torsidong lana na kolor asul, purpura asin pula.

Exodo 36:1

“Si Bezalel, si Oholiab asin an gabos na trabahador na tinawan nin Kagurangnan nin kakayahan asin pakasabot, tanganing maaraman an pagtugdok kan Tabernakulo, iyo an magiribo kan gabos na bagay siring sa pagboot nin Kagurangnan.”

Exodo 36:2

Inapod ni Moises si Bezalel, si Oholiab asin an iba pang ekspertong lalaki na tinawan nin Kagurangnan nin kakayahan asin boot na magtabang, dangan sinabihan na magpoon nang magtrabaho.

Roma 13:1

Dapat magpasakop an siisay man sa mga namamayo kan gobyerno, huli ta mayong awtoridad na bakong tugot nin Dios. An mga awtoridad sa ngunyan na panahon ibinugtak nin Dios.

Tito 3:1

Ipagiromdom mo sa sainda na magpasakop sinda sa mga kagsakop saka sa mga awtoridad; na magkuyog sainda asin magin danay na andam sa paggibo kan anoman na marahay.