1 Mga Cronica 28:2 - Marahay na Bareta Biblia

² Nagtindog si David sa atubangan ninda asin nagsabi: “Magdangog kamo, mga tugang asin mga kahimanwa. Nasa puso ko na kaidto an pagtugdok nin sarong harong na bugtakan kan Kaban nin Tipan, an tungtongan kan Kagurangnan na satong Dios. Inandam ko na an mga kagamitan para sa pagtugdok kan templo,

1 Mga Cronica 28:2 ပူးပေါင်းရင်းမြစ်များ

Genesis 48:2

Kan maaraman ni Jacob na nagsongko saiya an aki niyang si Jose, nagpirit siyang magtukaw sa higdaan.

1 Mga Hade 1:47

Laen pa kaiyan, nagsarabat an mga opisyal tanganing itao an saindang paggalang sa satuyang mahal na hade na si David. Nagsabi sinda, ‘Gibohon logod kan saimong Dios na an ngaran ni Solomon magin mas bantog ki sa saimong ngaran asin magin mauswag ki sa saimo an saiyang paghahade.’ Dangan nagduko sa pagsamba si Hadeng David mantang nasa saiyang higdaan

1 Mga Hade 5:3

“Aram mong huli kan danay na pakigera kan sakong ama laban sa saiyang mga kaiwal sa palibot niya, dai siya nakapatugdok nin templo para sa Kagurangnan na saiyang Dios sagkod na paganahon siya nin Kagurangnan laban sa gabos niyang kaiwal.

1 Mga Cronica 17:4

“Lakaw asin sabihan mo si David na sakong sorogoon, ‘Siring an itinaram nin Kagurangnan: Bakong ika an mapatugdok nin templo na sakuyang eerokan.

1 Mga Cronica 22:14

Manongod sa Templo, nagpagal ako sa pagtipon nin maabot sa tres mil kwatro syentos na toneladang bulawan, saka mga treynta mil na toneladang plata, laen pa kan dakul na bronse asin lansang. Nag-andam man ako nin kahoy asin gapo, alagad kaipuhan dugangan mo pa an mga ini.

1 Mga Cronica 22:6

Dangan ipinaapod ni David si Solomon na saiyang aking lalaki, asin pinagbotan ini na magpatugdok nin templo para sa Kagurangnan, an Dios nin Israel.

1 Mga Cronica 22:7

Sinabihan niya si Solomon, “Aki ko, minawot ko na magtugdok nin templo tanganing tawan nin onra an Kagurangnan na sakong Dios.

1 Mga Cronica 6:31

Iyo ini an mga lalaki na pinapamahala ni Hadeng David kan musika duman sa lugar na pagsasambahan sa Jerusalem kan yaon na duman an Kaban nin Tipan.

2 Mga Cronica 6:7

Nagsabi pa si Solomon, “Nagmawot an sakong ama na si David na magtugdok nin sarong Templo para sa Kagurangnan, an Dios nin Israel.

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 132:14

“Ini iyo an sakuyang pahingaloan sagkod pa man; digdi ako maerok, huli ta ini an sakong kamawotan.

Salmo 132:2

Giromdoma, Kagurangnan, an saiyang sumpa, an panuga na ginibo niya saimo, Makakamhan na Dios ni Jacob.

Salmo 22:22

An ngaran mo ipagbabantog ko sa sakong banwaan; oomawon taka sa tahaw nin katiriponan:

Salmo 99:5

Pag-omawon an Kagurangnan na satuyang Dios; sa atubang kan saiyang trono, sambahon siya! Siya banal!

Isaias 60:13

“An pinakamarahay na kahoy hale sa kadlagan nin Lebanon, an aguho, an hunipero, asin an sipres dadarahon saimo tanganing pagayonon an sakong Templo, saka an syudad ko.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Mga Panambitan 2:1

Sa kaanggotan nin Kagurangnan tinahoban niya an Sion nin kadikloman. Rinumpag niya an langitnon na kamurawayan nin Israel. Sa aldaw nin saiyang kaanggotan binayaan niya maski an saiyang Templo.

Ezekiel 43:7

“Aki nin tawo, uya digdi an sakong trono. Mag-eerok ako digdi sa kaibahan kan banwaan nin Israel asin paghahadean ko sinda sagkod pa man. An sakong banal na ngaran dai na nanggad didigtaan kan mga Israelita asin kan saindang mga hade, sa paagi nin pagsamba sa ibang dios-dios o sa paglubong kan mga bangkay kan saindang mga hade sa lugar na ini.

Mateo 25:16

An sorogoon na nag-ako nin limang ribong pesos nagnegosyo; nakaganansya pa siya nin limang ribong pesos.

Mga Gibo 7:49

‘An langit iyo an sakong trono, an daga iyo an sakong tungtongan. Anong harong an itutugdok nindo para sako? Ano an lugar na pagpapahingaloan ko?

Deuteronomio 17:15

pilion nindo bilang hade an tawo na iyo an pinili nin Kagurangnan na saindong Dios. Kaipuhan saro siya sa saindo; dai nindo paggibohon na hade an sarong dayuhan.

Deuteronomio 17:20

Iyo ini an mapugol saiya sa pag-isip na mas marahay siya ki sa kapwa niya Israelita, asin sa paglapas kan mga pagboot nin Kagurangnan sa ano man na paagi. Dangan maghahade siya sa halawig na panahon asin an saiyang kapagarakian maghahade sa Israel sa dakul na henerasyon.