1 Mga Cronica 27:1 - Marahay na Bareta Biblia

¹ Iyo ini an lista kan mga Israelita, na pamayo nin mga pamilya, saka an mga lider nin mga kamaganakan, asin an saindang mga opisyal na nagpalakaw kan trabaho sa kahadean. Lambang bulan kan taon, igwa nin sarong grupo na namamahala; lambang grupo igwa nin beynte y kwatro mil na kaayon, na nasa irarom kan pamamahala nin sarong pamayo.

1 Mga Cronica 27:1 ပူးပေါင်းရင်းမြစ်များ

2 Samuel 23:8

Iyo ini an ngaran kan bantog na mga soldados ni David: si Joseb-basebet na taga Takemon, na iyo an lider kan “An Tolo”; linabanan niya asin nagadan an walong gatos na kalalakihan sa sarong ralaban na garod sana an saiyang armas.

1 Mga Hade 4:27

An doseng gobernador, iyo an nagpapadara kan mga pagkakan ni Hadeng Solomon saka kan mga tawong nagkakarakan sa palasyo. Minapadara an lambang saro sainda sa bulan na talaan sa saiya; danay sindang nagpapadara kan gabos na kaipuhan.

1 Mga Hade 4:7

Igwa si Solomon nin doseng gobernador kan mga distrito nin Israel. Sinda an mag-aandam kan pagkakan para sa hade asin sa pamilya kaini hale sa saindang mga distrito; an lambang gobernador maandam nin pagkakan para sa sarong bulan kan taon.

1 Mga Hade 5:14

Ipinadara niya sinda sa Lebanon. Binanga niya sinda sa tolong grupo, dyes mil katawo sa lambang grupo. Sarong bulan sinda sa Lebanon asin duwang bulan sa saindang mga harong. Si Adoniram an namahala kan mga tawong pirit na pinapagtrabaho.

1 Mga Cronica 11:10

Iyo ini an bantog na mga soldados ni David, kaiba an bilog na Israel, na nagtabang saiya sa pagigin hade, siring sa ipinanuga nin Kagurangnan; pinakosog ninda an kahadean ni David.

1 Mga Cronica 13:1

Kinaolay ni David an mga opisyal na nakakasakop nin rinibong mga tawohan asin man an mga nakakasakop nin ginatos na mga tawohan.

1 Mga Cronica 26:32

Nagpili si David nin dos mil syete syentos na mga bantog na pamayo nin mga pamilya sa mga kadugo ni Jerias, asin pinapamahala niya sinda kan gabos na trabaho kan Kagurangnan asin kan paglingkod sa hade duman sa sirangan kan Salog nin Jordan—an teritoryo ni Ruben, ni Gad, saka ni Manases sa Sirangan.

1 Mga Cronica 27:2

Iyo ini an mga pamayo para sa lambang bulan kan taon: Enot na bulan: si Jasobeam na aking lalaki ni Zabdiel (kabilang siya sa kamaganakan ni Perez, na kabtang kan tribu ni Juda) Ikaduwang bulan: si Dodai, saro sa kapagarakian ni Ahohi (si Miklot iyo an katabang na lider) Ikatolong bulan: si Benaias na aking lalaki kan padi na si Jehoiada; siya an lider kan “An Treynta” (an saiyang aking lalaki na si Amizabad iyo an nagin kasalihid niya bilang lider kan grupong ini) Ikaapat na bulan: si Asahel, tugang na lalaki ni Joab (an saiyang aking lalaki na si Zebadias iyo an nagin kasalihid niya) Ikalimang bulan: si Samhut, sarong kapagarakian ni Izar Ikaanom na bulan: si Ira na aking lalaki ni Ikkes na taga Tekoa Ikapitong bulan: si Helez, an Pelonita na gikan ki Efraim Ikawalong bulan: si Sibecai na taga Husa (kaayon siya sa kamaganakan ni Zera na kabtang kan tribu ni Juda) Ikasiyam na bulan: si Abiezer na taga Anatot, sa teritoryo kan tribu ni Benjamin Ikasampolong bulan: si Maharai na taga Netofa (kaayon siya sa kamaganakan ni Zera) Ikaonseng bulan: si Benaias na taga Piraton, sa teritoryo kan tribu ni Efraim Ikadoseng bulan: si Heldai na taga Netofa (saro siya sa kapagarakian ni Otniel)

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

1 Mga Cronica 29:6

Dangan nagtarao nin mga boluntad na dolot an mga pamayo nin mga kamaganakan, an mga lider kan mga tribu, an mga opisyal nin mga rinibo saka mga ginatos na soldados, asin an mga administrador kan mga sadiri kan hade.

2 Mga Cronica 1:2

Pinagbotan ni Solomon an bilog na Israel, an mga opisyal nin rinibo asin nin ginatos na mga soldados, an mga hukom asin an gabos na pamayo nin mga pamilya

Exodo 18:25

Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.

Josue 23:1

Pakalihis nin halawig na panahon, tinawan nin Kagurangnan nin katiwasayan an Israel laban sa mga kaiwal sa palibot ninda. Kan panahon na iyan, gurang nang marahay si Josue,

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.