1 Mga Cronica 26:20 - Marahay na Bareta Biblia

²⁰ Sa iba pang mga Levita, si Ahias an namahala kan mga kayamanan sa Templo asin kan mga kwartong sarayan kan mga ikinonsagrang regalo para sa Dios.

1 Mga Cronica 26:20 ပူးပေါင်းရင်းမြစ်များ

1 Mga Hade 14:26

Kinua niya an gabos na kayamanan sa Templo asin sa palasyo, sagkod an mga kalasag na bulawan na ginibo ni Solomon.

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

1 Mga Hade 7:51

Kan mahaman na an gabos na ipinagibo ni Hadeng Solomon para sa Templo nin Kagurangnan ilinaog niya sa mga sarayan kan Templo an gabos na kinonsagra ni David, na saiyang ama, para sa Kagurangnan—an plata, bulawan, asin iba pang mga kasangkapan.

1 Mga Cronica 18:11

An mga regalong ini idinusay ni Hadeng David sa Kagurangnan, kaiba an mga plata asin bulawan na sinamsam niya hale sa mga nasyon na saiyang nadaog—an Edom, Moab, Ammon, Filistia, asin Amalek.

1 Mga Cronica 26:19

Ini an mga grupo kan mga bantay kan mga trangkahan na naggikan sa kamaganakan ni Kore saka ni Merari.

1 Mga Cronica 26:21

Si Ladan, saro kan mga aking lalaki ni Gerson, iyo an ginikanan kan nagkapirang grupo nin pamilya, kaiba an pamilya kan saiyang aking lalaki na si Jehiel.

1 Mga Cronica 26:22

An duwa pang aking lalaki ni Ladan na si Zetam saka si Joel iyo an namahala kan mga kayamanan sa Templo.

1 Mga Cronica 26:24

Si Sebuel, na aking lalaki ni Gerson na aki ni Moises, iyo an pinakapamayo kan mga namamahala kan kayamanan sa Templo.

2 Mga Cronica 8:15

Kinuyog nanggad kan mga padi asin kan mga Levita an gabos na pagboot ni David manongod sa mga kayamanan saka iba pang mga bagay.

Esdras 2:69

Nagtao sinda sosog sa saindang makakaya para sa trabahong ini, asin an kabilogan na bilang kan saindang itinao uminabot sa kinyentos na kilo nin bulawan, dos mil otso syentos na kilo nin plata asin sanggatos na gubing para sa mga padi.

Esdras 8:28

Dangan sinabihan ko sinda, “Banal kamo para sa Kagurangnan, an Dios kan saindong mga ginikanan, siring man an plata saka bulawan na kagamitan na bilog na pusong idinolot saiya.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mga Bilang 8:26

Pakatapos, pwede niyang tabangan an kapwa niya Levita alagad dai na siya magibo kan dati niyang trabaho. Iyan an saimong gigibohon sa pagtao sa mga Levita kan saindang mga katongdan.”