1 Mga Cronica 26:16 - Marahay na Bareta Biblia

¹⁶ Nanongod ki Suppim saka ki Hosa an trangkahan sa parteng solnopan asin an trangkahan nin Salleket, sa dalan na minapaitaas. An lambang grupo igwa nin talaan na oras nin pagbantay.

1 Mga Cronica 26:16 ပူးပေါင်းရင်းမြစ်များ

1 Mga Hade 10:5

Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

1 Mga Cronica 25:8

Tanganing maaraman an saindang mga katongdan, nagripa sinda gabos, sadit man o dakula, paratukdo man o pinagtutukdoan.

1 Mga Cronica 26:15

Nanongod ki Obed-edom an trangkahan sa habagat, asin napasaiyang mga aki an pagbantay kan mga kwartong sarayan.

1 Mga Cronica 26:17

Sa sirangan, anom an nagbabantay aroaldaw. Sa amihan, apat asin apat man sa habagat. Aroaldaw, apat an nagbabantay sa mga kwartong sarayan; duwa sa lambang kwarto.

1 Mga Cronica 26:18

An edipisyo na nasa solnopan, binabantayan nin apat sa may dalan asin duwa sa mismong edipisyo.

2 Mga Cronica 9:4

Nahiling niya an pagkakan sa saiyang lamesa, an mga erokan kan saiyang mga opisyal, an paglingkod kan mga sorogoon kan hade saka an saindang mga gubing, an mga naglilingkod sa lamesa kan hade saka an saindang mga gubing, asin an mga tinutong na atang na idinolot kaini sa Templo. Kaya kanigoan nanggad an saiyang pagngalas.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.