1 Mga Cronica 25:8 - Marahay na Bareta Biblia

⁸ Tanganing maaraman an saindang mga katongdan, nagripa sinda gabos, sadit man o dakula, paratukdo man o pinagtutukdoan.

1 Mga Cronica 25:8 ပူးပေါင်းရင်းမြစ်များ

1 Mga Cronica 15:22

Huli ta may pakaaram si Kenanias sa musika, pinili ninda siya na magin parapamahala kan mga paratugtog na Levita.

1 Mga Cronica 24:31

Sa atubangan ni Hadeng David, ni Zadok, ni Ahimelec, asin kan gabos na pamayo kan mga pamilya nin mga padi saka mga Levita, nagripa man an lambang pamayo nin pamilya asin an sarong ngohod na tugang na lalaki kaini, siring kan ginibo kan saindang mga kadugo, an mga padi na naggikan ki Aaron.

1 Mga Cronica 24:5

Huli ta anas igwa nin mga opisyal kan templo saka mga opisyal nin Dios an kapagarakian ni Eleazar asin ni Itamar, an pag-organisar sainda ginibo sa paagi nin ripa.

1 Mga Cronica 25:2

An apat na aking lalaki ni Asaf: si Zaccur, Jose, Netanias, asin Asarela. An saindang pamayo iyo si Asaf, na nagbalangibog kan mensahe nin Dios sosog sa pagboot kan hade.

1 Mga Cronica 25:9

Sosog sa mga pamilya an dos syentos otsenta y otsong kalalakihan na ini binaranga sa beynte y kwatrong grupo na tigdodose katawo. An lambang grupo igwa nin sarong lider. Iyo ini an pasurunod-sunod kan saindang paglingkod: 1 si Jose kan pamilya ni Asaf; 2 si Gedalias; 3 si Zaccur; 4 si Zeri; 5 si Netanias; 6 si Bukkias; 7 si Jesarela; 8 si Jesaias; 9 si Matanias; 10 si Simei; 11 si Uzziel; 12 si Hasabias; 13 si Sebuel; 14 si Mattitias; 15 si Jerimot; 16 si Hananias; 17 si Josbekasa; 18 si Hanani; 19 si Malloti; 20 si Eliata; 21 si Hotir; 22 si Gidalti; 23 si Mahaziot; 24 si Romanti-ezer.

1 Mga Cronica 26:13

Sadit man o dakula, nagripa an gabos na pamilya tanganing aramon kun arin na trangkahan an babantayan ninda.

1 Mga Cronica 26:16

Nanongod ki Suppim saka ki Hosa an trangkahan sa parteng solnopan asin an trangkahan nin Salleket, sa dalan na minapaitaas. An lambang grupo igwa nin talaan na oras nin pagbantay.

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Mga Talinhaga 16:33

Nagsasapalaran an mga tawo sa pagsabot kan kabotan nin Dios, alagad an Dios mismo an nagtatao kan kasimbagan.

Levitico 16:8

asin maripa siya duman huli sa paggamit nin duwang gapo na an saro may markang “para sa Kagurangnan” asin an saro, “para ki Azazel.”

Mga Gibo 1:26

Dangan pinagripahan ninda an duwang ngaran na pagpipilian. An ngaran ni Matias an napili kaya siya an idinagdag sa onseng apostol.