1 Mga Cronica 25:6 - Marahay na Bareta Biblia

⁶ Sinda gabos nasa irarom kan pamamahala kan saindang ama sa pagtugtog nin mga gimbal, asin mga arpa, tanganing sabayan nin musika an pagsamba sa Templo. Si Asaf, si Jedutun, saka si Heman nasa irarom kan pagboot kan hade.

1 Mga Cronica 25:6 ပူးပေါင်းရင်းမြစ်များ

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

1 Mga Hade 10:12

An mga kahoy ginibo ni Solomon na mga harigi kan Templo asin kan palasyo; ginibo man niya iyan na mga lira asin arpa para sa mga paraawit. Mayo na nin nag-abot o nahiling na kahoy na almug sagkod ngunyan.)

1 Mga Cronica 15:16

Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 15:22

Huli ta may pakaaram si Kenanias sa musika, pinili ninda siya na magin parapamahala kan mga paratugtog na Levita.

1 Mga Cronica 23:5

an kwatro mil ginibo niyang mga bantay kan mga trangkahan; saka an kwatro mil ginibo niyang mga parakanta nin kaomawan sa Kagurangnan, na gamit an mga instrumento na ginibo niya para sa katuyohan na iyan.

2 Mga Cronica 20:28

Pag-abot ninda sa syudad, nagduman sinda sa Templo nin Kagurangnan mantang nagtutugtog nin mga arpa, lira, saka mga trompeta.

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 29:13

si Simri saka si Jeuel kan kamaganakan ni Elizafan; si Zacarias saka si Matanias kan kamaganakan ni Asaf;

2 Mga Cronica 29:25

Kinuyog kan hade an mga pagboot nin Kagurangnan na itinao ki Hadeng David sa paagi ni Gad, na propeta kan hade, asin sa paagi kan propeta na si Natan; nagbugtak siya nin mga Levita sa Templo, na may mga gimbal, mga arpa saka mga lira,

Nehemias 11:17

Si Mattanias, na aking lalaki ni Mica saka makoapo ni Zabdi asin kapagarakian ni Asaf. Siya an namayo kan koro kan Templo sa pag-awit kan pamibi nin pasasalamat. Si Bakbukias, na katabang ni Matanias. Si Abda, na aking lalaki ni Sammua saka makoapo ni Galal, asin kapagarakian ni Jedutun.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:46

Magpoon kan panahon ni David saka ni Asaf, an mga parakanta iyo an nangenot sa mga awit nin pag-omaw saka pagpasalamat sa Dios.

Salmo 68:25

An mga paraawit nasa enotan, an mga musiko nasa hudyan, an mga babaeng nagtutugtog nin tamborin nasa pagultanan.

Efeso 5:19

Mag-orolay kamo sa paagi nin mga salmo, himno saka mga banal na awit; mag-awit kamo nin mga himno saka mga salmo sa Kagurangnan na nasa puso an pag-omaw saiya.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.