1 Mga Cronica 25:2 - Marahay na Bareta Biblia

² An apat na aking lalaki ni Asaf: si Zaccur, Jose, Netanias, asin Asarela. An saindang pamayo iyo si Asaf, na nagbalangibog kan mensahe nin Dios sosog sa pagboot kan hade.

1 Mga Cronica 25:2 ပူးပေါင်းရင်းမြစ်များ

1 Mga Cronica 15:17

Sa grupo nin mga parakanta, an pinili nindang magtugtog nin mga bronseng gimbal iyo si Heman na aking lalaki ni Joel, an kadugo niyang si Asaf na aking lalaki ni Berekias, asin si Etan na aking lalaki ni Kusaias kan kamaganakan ni Merari. An pinili nindang magtugtog kan mga arpa na halangkaw an tanog iyo si Zacarias, Jaaziel, Semiramot, Jehiel, Uni, Eliab, Maaseias, asin Benaias. An pinili nindang magtugtog kan mga arpa na hababa an tono iyo si Matitias, Elifelehu, Mikneias, Azazias asin an mga bantay sa Templo na iyo si Obed-edom saka si Jeiel.

1 Mga Cronica 16:5

Si Asaf an ibinugtak na pamayo, asin si Zacarias bilang saiyang katabang. Si Jeiel, Semiramot, Jehiel, Matitias, Eliab, Benaias, Obed-edom, asin Jeiel iyo an matugtog kan mga arpa asin lira, mantang si Asaf iyo an mapatanog kan mga trompeta sa atubangan kan Kaban nin Tipan.

1 Mga Cronica 25:1

Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

1 Mga Cronica 25:3

An anom na aking lalaki ni Jedutun: si Gedalias, Zeri, Jesaias, Simei, Hasabias, asin Matitias. Sa pamamayo kan saindang ama, ibinalangibog ninda an mensahe nin Dios, na sinasabayan kan musika nin mga arpa sa pagpasalamat asin pag-omaw sa Kagurangnan.

1 Mga Cronica 25:6

Sinda gabos nasa irarom kan pamamahala kan saindang ama sa pagtugtog nin mga gimbal, asin mga arpa, tanganing sabayan nin musika an pagsamba sa Templo. Si Asaf, si Jedutun, saka si Heman nasa irarom kan pagboot kan hade.

1 Mga Cronica 25:8

Tanganing maaraman an saindang mga katongdan, nagripa sinda gabos, sadit man o dakula, paratukdo man o pinagtutukdoan.

1 Mga Cronica 6:39

Si Asaf iyo an lider kan ikaduwang koro. An linya kan ginikanan na pamilya ni Asaf masososog pabalik ki Levi sa pasurunod-sunod na henerasyon magpoon saiya: Asaf, Berekias, Simea,

Esdras 3:10

Kan ibugtak kan mga paratugdok an pundasyon kan Templo nin Kagurangnan, an mga padi na nakasulot kan gubing na pangpadi saka may kapot na mga trumpeta, an mga Levita asin an kamaganakan ni Asaf nagpaenotan na may darang mga gimbal, tanganing omawon an Kagurangnan sosog sa katukdoan ni David na hade nin Israel.

Salmo 73:1

Marahayon nanggad an Dios sa mga matanos, sa mga tawong malinig an puso.

Salmo 74:1

O Dios, tadaw ta isinisikwal mo kami sagkod lamang? Tano ta anggot ka sa mga karnero na saimong ataman?

Salmo 75:1

Nagpapasalamat kami saimo, O Dios, nagpapasalamat kami saimo! Inaapod mi an saimong ngaran, asin ibinabareta an mga gibo mong ngangalasan.

Salmo 76:1

An Dios midbid sa Juda; bantog sa Israel an saiyang ngaran.

Salmo 77:1

Makosog na minaapod ako sa Dios; minaapod nin makosog tanganing himateon niya ako.

Salmo 78:1

Banwaan ko, dangoga an sakong katukdoan, asin hinanyoga an sakong itataram.

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 81:1

Mag-awit nin makosog sa Dios na satong parasurog; magkurahaw kita sa kaogmahan sa Dios ni Jacob!

Salmo 82:1

An Dios iyo an namamayo sa langitnon na katiriponan; sa tahaw nin mga dios siya an naghuhukom:

Salmo 83:1

O Dios, dai ka mag-alo; dai magsa-daing labot, magsa-daing pagmakulog.

Isaias 3:6

Madatong an panahon na pipilion kan mga kaayon nin saiyang kamag-anakan an saro sainda dangan sasabihan: “Igwa ka nin gubing, tugang, kaya ika an mamayo samuya, sa panahon na ini nin kasakitan.”