1 Mga Cronica 25:1 - Marahay na Bareta Biblia

¹ Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

1 Mga Cronica 25:1 ပူးပေါင်းရင်းမြစ်များ

1 Mga Hade 10:12

An mga kahoy ginibo ni Solomon na mga harigi kan Templo asin kan palasyo; ginibo man niya iyan na mga lira asin arpa para sa mga paraawit. Mayo na nin nag-abot o nahiling na kahoy na almug sagkod ngunyan.)

2 Mga Hade 3:15

Ikua nindo ako nin sarong paratugtog.” Mantang nagtutugtog ini sa saiyang arpa, nag-abot ki Eliseo an kapangyarihan nin Kagurangnan.

1 Mga Cronica 13:8

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Dios. Nagturugtog sinda nin mga lira, mga arpa, mga tamborin, mga gimbal, asin mga trompeta.

1 Mga Cronica 15:28

Sa siring na paagi, an Kaban nin Tipan dinara sa Jerusalem kan gabos na Israelita. Nagkurahaw sinda gabos sa kaogmahan, kasabay an tanog kan mga trompeta, asin kan mga gimbal, saka an makosog na musika kan mga arpa asin lira.

1 Mga Cronica 23:2

Tinipon ni David an gabos na lider nin Israel, an mga padi saka an mga Levita.

1 Mga Cronica 25:2

An apat na aking lalaki ni Asaf: si Zaccur, Jose, Netanias, asin Asarela. An saindang pamayo iyo si Asaf, na nagbalangibog kan mensahe nin Dios sosog sa pagboot kan hade.

1 Mga Cronica 25:3

An anom na aking lalaki ni Jedutun: si Gedalias, Zeri, Jesaias, Simei, Hasabias, asin Matitias. Sa pamamayo kan saindang ama, ibinalangibog ninda an mensahe nin Dios, na sinasabayan kan musika nin mga arpa sa pagpasalamat asin pag-omaw sa Kagurangnan.

1 Mga Cronica 25:9

Sosog sa mga pamilya an dos syentos otsenta y otsong kalalakihan na ini binaranga sa beynte y kwatrong grupo na tigdodose katawo. An lambang grupo igwa nin sarong lider. Iyo ini an pasurunod-sunod kan saindang paglingkod: 1 si Jose kan pamilya ni Asaf; 2 si Gedalias; 3 si Zaccur; 4 si Zeri; 5 si Netanias; 6 si Bukkias; 7 si Jesarela; 8 si Jesaias; 9 si Matanias; 10 si Simei; 11 si Uzziel; 12 si Hasabias; 13 si Sebuel; 14 si Mattitias; 15 si Jerimot; 16 si Hananias; 17 si Josbekasa; 18 si Hanani; 19 si Malloti; 20 si Eliata; 21 si Hotir; 22 si Gidalti; 23 si Mahaziot; 24 si Romanti-ezer.

1 Mga Cronica 6:16

An mga aking lalaki ni Levi iyo si Gerson, Kohat, asin Merari.

1 Mga Cronica 6:33

Iyo ini an mga pamilya kan mga parakanta: Sa kamaganakan ni Kohat, si Heman na aki ni Joel iyo an lider kan enot na koro. An linya kan ginikanan na pamilya ni Heman masososog pabalik ki Jacob sa pasurunod-sunod na henerasyon magpoon saiya: Heman, Joel, Samuel,

1 Mga Cronica 6:39

Si Asaf iyo an lider kan ikaduwang koro. An linya kan ginikanan na pamilya ni Asaf masososog pabalik ki Levi sa pasurunod-sunod na henerasyon magpoon saiya: Asaf, Berekias, Simea,

1 Mga Cronica 6:44

Sa kamaganakan ni Merari, si Etan iyo an lider kan ikatolong koro. An linya kan saiyang pamilya masososog pabalik ki Levi sa pasurunod-sunod na henerasyon magpoon saiya: Etan, Kisi, Abdi, Malluc,

1 Mga Cronica 9:33

An ibang mga pamilya kan mga Levita iyo an parakanta sa Templo. An mga pamayo kan mga pamilyang ini nag-erok sa mga kwarto kan Templo, asin libre sinda sa ibang trabaho tanganing pwedeng apodon sa aldaw asin sa banggi.

2 Mga Cronica 23:1

Alagad pag-abot kan ikapitong taon, pinakosog ni Jehoiada an saiyang boot asin nakipagtipan siya sa limang opisyal kan hukbo na iyo si Azarias na aking lalaki ni Jeroham, si Ismael na aking lalaki ni Jehohanan, si Azarias na aking lalaki ni Obed, si Maaseias na aking lalaki ni Adaias, saka si Elisafat na aking lalaki ni Zikri.

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 23:18

An mga padi asin an mga Levita iyo an ginibo ni Jehoiada na parapamahala kan trabaho sa Templo. Katongdan ninda na kuyogon an pagboot ni Hadeng David asin magdolot nin mga tinutong na atang sa Kagurangnan, sosog sa nasusurat sa Katogonan ni Moises. Sinda man an parapamahala kan musika asin kan mga selebrasyon.

2 Mga Cronica 23:9

An mga opisyal tinawan niya kan mga garod asin kan mga darakula saka saradit na kalasag na sadiri kaidto ni David asin nasasaray duman sa Templo.

2 Mga Cronica 29:13

si Simri saka si Jeuel kan kamaganakan ni Elizafan; si Zacarias saka si Matanias kan kamaganakan ni Asaf;

2 Mga Cronica 29:14

si Jehuel saka si Simei kan kamaganakan ni Heman; dangan si Semaias saka si Uzziel kan kamaganakan ni Jedutun.

2 Mga Cronica 31:2

Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.

2 Mga Cronica 34:12

Maigot na nagtrabaho an mga lalaki. Apat na Levita an namahala sainda; an mga ini iyo si Jahat saka si Obadias kan kamaganakan ni Merari, dangan si Zacarias saka si Mesullam kan kamaganakan ni Kohat. (Gabos may kakayahan sa musika an mga Levita.)

2 Mga Cronica 35:15

An mga Levitang parakanta, na mga kamaganakan ni Asaf, yaon man sa lugar na itinalaan sainda ni Hadeng David. An mga ini iyo si Asaf, si Heman, saka si Jedutun, an propeta kan hade. An mga bantay yaon sa trangkahan na talaan para sainda; dai sinda naghale huli ta an saindang Paskwa inandam para sainda kan mga tugang nindang Levita.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Esdras 6:18

Pinili saka pinaggrupo-grupo man ninda an mga padi saka mga Levita na malingkod sa Templo sa Jerusalem, sosog sa katukdoan na nasusurat sa libro ni Moises.

Nehemias 11:17

Si Mattanias, na aking lalaki ni Mica saka makoapo ni Zabdi asin kapagarakian ni Asaf. Siya an namayo kan koro kan Templo sa pag-awit kan pamibi nin pasasalamat. Si Bakbukias, na katabang ni Matanias. Si Abda, na aking lalaki ni Sammua saka makoapo ni Galal, asin kapagarakian ni Jedutun.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Salmo 81:2

Kosogon an awit, patanogon an mga tamborin; magtugtog sa mahamis na tanog kan mga arpa saka lira.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Ezekiel 40:44

Dangan ipinag-iba ako kan lalaki sa patyong nasa laog. Igwa digdi nin duwang kwarto: an saro atubang sa habagat, kataed kan trangkahan sa amihan, asin an saro atubang sa amihan, kataed kan trangkahan sa habagat.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.