1 Mga Cronica 24:31 - Marahay na Bareta Biblia

³¹ Sa atubangan ni Hadeng David, ni Zadok, ni Ahimelec, asin kan gabos na pamayo kan mga pamilya nin mga padi saka mga Levita, nagripa man an lambang pamayo nin pamilya asin an sarong ngohod na tugang na lalaki kaini, siring kan ginibo kan saindang mga kadugo, an mga padi na naggikan ki Aaron.

1 Mga Cronica 24:31 ပူးပေါင်းရင်းမြစ်များ

1 Mga Cronica 24:30

an mga aking lalaki ni Musi iyo si Mali, Eder, asin Jerimot. Ini gabos iyo an mga pamilya kan mga Levita.

1 Mga Cronica 25:8

Tanganing maaraman an saindang mga katongdan, nagripa sinda gabos, sadit man o dakula, paratukdo man o pinagtutukdoan.

1 Mga Cronica 26:13

Sadit man o dakula, nagripa an gabos na pamilya tanganing aramon kun arin na trangkahan an babantayan ninda.

2 Mga Cronica 1:2

Pinagbotan ni Solomon an bilog na Israel, an mga opisyal nin rinibo asin nin ginatos na mga soldados, an mga hukom asin an gabos na pamayo nin mga pamilya

2 Mga Cronica 31:15

Sa ibang syudad na pinag-erokan kan mga padi, tinabangan siya sa trabahong ini kan mga Levita na si Eden, Miniamin, Jesua, Semaias, Amarias saka Secanias. Ipinanao ninda an mga kakanon sa kapwa ninda mga Levita, sosog sa katongdan kan mga ini,