1 Mga Cronica 24:3 - Marahay na Bareta Biblia

³ Sa tabang ni Zadok na saro sa kapagarakian ni Eleazar, saka ni Ahimelec na saro sa kapagarakian ni Itamar, pinaggrupo-grupo ni David an kapagarakian ni Aaron sosog sa saindang mga katongdan nin paglingkod.

1 Mga Cronica 24:3 ပူးပေါင်းရင်းမြစ်များ

2 Samuel 20:25

si Sheba iyo an sekretaryo; si Zadok saka si Abiatar iyo an mga padi,

2 Samuel 8:17

si Zadok, na aking lalaki ni Ahitub, asin si Ahimelec, na aking lalaki ni Abiatar, iyo an mga padi; si Seraias, iyo an sekretaryo;

1 Mga Hade 2:35

Si Benaias an ginibo kan hade na kasalihid ni Joab bilang pamayo kan hukbo asin si Zadok an nagin kasalihid ni Abiatar bilang padi.

1 Mga Cronica 15:11

Inapod ni David an mga padi na si Zadok asin Abiatar saka an anom na Levita na si Uriel, Asaias, Joel, Semaias, Eliel, asin Aminadab,

1 Mga Cronica 16:39

Alagad an padi na si Zadok asin an mga kapwa niya padi iyo an mamamahala kan pagsamba sa Kagurangnan duman sa lugar na pagsasambahan sa Gibeon.

1 Mga Cronica 18:16

si Zadok, na aking lalaki ni Ahitub, asin si Ahimelec, na aking lalaki ni Abiatar, iyo an mga padi; si Seraias iyo an sekretaryo;

1 Mga Cronica 24:31

Sa atubangan ni Hadeng David, ni Zadok, ni Ahimelec, asin kan gabos na pamayo kan mga pamilya nin mga padi saka mga Levita, nagripa man an lambang pamayo nin pamilya asin an sarong ngohod na tugang na lalaki kaini, siring kan ginibo kan saindang mga kadugo, an mga padi na naggikan ki Aaron.

1 Mga Cronica 24:4

An kapagarakian ni Itamar pinag-organisar sa walong grupo sana; mantang an kapagarakian ni Eleazar sa dyes y seis na grupo. Ginibo ini huli ta mas dakul an mga lalaking pamayo nin pamilya sa kapagarakian ni Eleazar ki sa ki Itamar.

1 Mga Cronica 24:6

Turno-turno an kapagarakian ni Eleazar asin ni Itamar sa pagripa. An eskriba na si Semaias, na aking lalaki ni Netanel, iyo an nagtala kan saindang mga ngaran sa atubangan kan hade, kan mga opisyal, kan padi na si Zadok, ni Ahimelec na aking lalaki ni Abiatar, asin kan mga pamayo kan mga pamilya nin mga padi saka nin mga Levita.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

1 Samuel 21:1

Nagduman si David sa Nob, sa pading si Ahimelec. Nagtatakig na nagluwas si Ahimelec sa pagsabat ki David asin naghapot, “Tano ta solo ka sanang nagdigdi?”