1 Mga Cronica 24:1 - Marahay na Bareta Biblia

¹ Iyo ini an mga grupo kan kapagarakian ni Aaron. An mga aking lalaki ni Aaron iyo si Nadab, Abihu, Eleazar, saka si Itamar.

1 Mga Cronica 24:1 ပူးပေါင်းရင်းမြစ်များ

1 Mga Cronica 23:6

Binaranga ni David an mga Levita sa tolong grupo sosog sa mga kamaganakan ni Gerson, ni Kohat, asin ni Merari.

1 Mga Cronica 28:13

Itinao man saiya ni David an plano kan paggrupo-grupo kan mga padi saka mga Levita para sa saindang paglingkod sa Templo, asin para sa pag-ataman kan gabos na kagamitan sa laog kaini.

1 Mga Cronica 6:3

Nagkaigwa nin duwang aking lalaki si Amram na iyo si Aaron saka si Moises, asin sarong aking babae na an ngaran Miriam. An mga aking lalaki ni Aaron iyo si Nadab, Abihu, Eleazar, asin Itamar.

1 Mga Cronica 6:34

Elkana, Jeroham, Eliel, Toa,

2 Mga Cronica 23:8

Kinuyog kan mga Levita asin kan mga taga Juda an pagboot ni Jehoiada. An mga lalaki na mayo na nin trabaho sa aldaw nin Sabbath dai pinahale ni Jehoiada kundi padagos na pinapaglingkod kaiba kan maralaog sa trabaho sa aldaw na iyan.

2 Mga Cronica 31:2

Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.

2 Mga Cronica 5:11

An gabos na padi na yaon duman, maski ngani manlaen-laen na grupo nin paglingkod an saindang naaayonan, nagpabanal kan saindang sadiri. Nagtindog sa sirangan na parte kan altar an paratugtog na mga Levita, si Asaf, si Heman, asin si Jedutun, kaiba an saindang mga aki saka kadugo; gabos sinda nakasulot nin pinong lino asin nagtutugtog nin mga gimbal, mga arpa asin lira. Kairiba ninda sa pagtugtog an syento beynteng mga padi na paratugtog nin trompeta. An mga paratrompeta saka mga paratugtog sarabay na nag-omaw asin nagpasalamat sa Kagurangnan, kasabay kan mga trompeta, mga gimbal saka iba pang mga instrumento. Ini an saindang inawit sa makosog na tingog: “Omawon an Kagurangnan, huli ta siya marahayon, asin an saiyang pagkamoot nagdadanay sagkod pa man.” Mantang nagluluwas an mga padi sa banal na lugar, napano nin panganoron an Templo, an harong nin Kagurangnan, kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Esdras 6:18

Pinili saka pinaggrupo-grupo man ninda an mga padi saka mga Levita na malingkod sa Templo sa Jerusalem, sosog sa katukdoan na nasusurat sa libro ni Moises.

Esdras 7:5

Si Bukki aki ni Abisua, na aki ni Finehas, na aki ni Eleazar, na aki ni Aaron, an Halangkaw na Padi.

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 6:23

Inagom ni Aaron si Eliseba na aki ni Amminadab asin tugang ni Nason; nagin mga aki ninda si Nadab, Abihu, Eleazar saka Itamar.

Mga Bilang 26:60

Si Aaron nagkaigwa nin apat na aking lalaki na iyo si Nadab, si Abihu, si Eleazar asin si Itamar.

Mga Bilang 3:2

Si Aaron igwa nin apat na aking lalaki na iyo si Nadab, an matua, si Abihu, si Eleazar, dangan si Itamar.

Mga Bilang 3:4

Alagad nagadan si Nadab saka si Abihu kan magdolot sinda sa Kagurangnan nin bakong banal na kalayo duman sa Desyerto nin Sinai. Dai sinda nin mga aki, kaya naglingkod bilang mga padi si Eleazar asin si Itamar sagkod na buhay pa si Aaron na saindang ama.