1 Mga Cronica 23:5 - Marahay na Bareta Biblia

⁵ an kwatro mil ginibo niyang mga bantay kan mga trangkahan; saka an kwatro mil ginibo niyang mga parakanta nin kaomawan sa Kagurangnan, na gamit an mga instrumento na ginibo niya para sa katuyohan na iyan.

1 Mga Cronica 23:5 ပူးပေါင်းရင်းမြစ်များ

1 Mga Hade 10:12

An mga kahoy ginibo ni Solomon na mga harigi kan Templo asin kan palasyo; ginibo man niya iyan na mga lira asin arpa para sa mga paraawit. Mayo na nin nag-abot o nahiling na kahoy na almug sagkod ngunyan.)

2 Mga Hade 7:10

Kaya binayaan ninda an kampo kan Siria, nagbalik sa Samaria asin nagkurahaw sa mga bantay kan mga trangkahan, “Nagduman kami sa kampo kan mga Siro asin mayo kaming inabotan na tawo duman o nadangog na tingog. Mayo kaming nahiling kundi an mga kabayo asin mga asno na nagkakagarakod, asin an mga tolda siring kan bayaan ini.”

1 Mga Cronica 16:38

Tatabangan sinda ni Obed-edom na aking lalaki ni Jedutun, kaiba an sesenta y otsong lalaki na kaayon sa saiyang kamaganakan. Si Hosa asin si Obed-edom iyo an mabantay kan mga trangkahan.

1 Mga Cronica 16:4

Dangan nagpili si David nin nagkapirang mga Levita tanganing mangenot sa pagsamba, pagpasalamat dangan pag-omaw sa Kagurangnan, an Dios nin Israel, sa atubangan kan Kaban nin Tipan.

1 Mga Cronica 23:30

Aga-aga asin barubanggi, maomaw saka mapasalamat sinda sa Kagurangnan;

1 Mga Cronica 9:33

An ibang mga pamilya kan mga Levita iyo an parakanta sa Templo. An mga pamayo kan mga pamilyang ini nag-erok sa mga kwarto kan Templo, asin libre sinda sa ibang trabaho tanganing pwedeng apodon sa aldaw asin sa banggi.

2 Mga Cronica 20:28

Pag-abot ninda sa syudad, nagduman sinda sa Templo nin Kagurangnan mantang nagtutugtog nin mga arpa, lira, saka mga trompeta.

2 Mga Cronica 34:13

An ibang mga Levita iyo an namahala kan pagdara kan mga kagamitan; an iba namahala kan manlaen-laen na trabaho, mantang an iba naglingkod bilang mga parasaray kan mga lista o bilang mga bantay.

2 Mga Cronica 35:15

An mga Levitang parakanta, na mga kamaganakan ni Asaf, yaon man sa lugar na itinalaan sainda ni Hadeng David. An mga ini iyo si Asaf, si Heman, saka si Jedutun, an propeta kan hade. An mga bantay yaon sa trangkahan na talaan para sainda; dai sinda naghale huli ta an saindang Paskwa inandam para sainda kan mga tugang nindang Levita.

2 Mga Cronica 8:14

Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

Nehemias 7:73

An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.

Salmo 87:7

Sinda nagsasayaw asin nag-aawit, “An ginikanan kan gabos nyamong bendisyon yaon sa Sion.”

Isaias 64:10

An saimong banal na mga syudad nakakaagid sa sarong desyerto; an Jerusalem sarong raot na lugar na mayo nin nag-eerok,

Amos 6:5

Nawiwili kamong maggibo nin mga awit, arog ki David, dangan tinutugtog nindo iyan sa saindong mga arpa.