1 Mga Cronica 23:29 - Marahay na Bareta Biblia

²⁹ Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

1 Mga Cronica 23:29 ပူးပေါင်းရင်းမြစ်များ

1 Mga Hade 7:48

Nagpagibo man si Solomon nin mga bulawan na kagamitan para sa Templo: an altar, an lamesa para sa tinapay na dolot sa Dios.

1 Mga Cronica 23:28

An katongdan ninda iyo an pagtabang sa mga aking lalaki ni Aaron sa paglingkod kan mga ini sa Templo, an pag-ataman kan mga patyo asin kan mga kwarto, an paglinig kan banal na mga kagamitan, saka an paggibo kan anoman na trabaho sa Templo.

1 Mga Cronica 23:30

Aga-aga asin barubanggi, maomaw saka mapasalamat sinda sa Kagurangnan;

2 Mga Cronica 13:11

Aga-hapon nagdodolot sinda nin mga tinutong na atang saka mahamot na insenso. Ibinubugtak ninda sa purong bulawan na lamesa an mga dolot na tinapay, asin barubanggi sinusuloan ninda an mga ilawan sa bulawan na kandelero. Inootob mi an pagboot nin Kagurangnan na samuyang Dios, alagad tinalikodan nindo siya.

2 Mga Cronica 29:18

Nagduman ki Hadeng Ezekias an mga Levita dangan nagsabi, “Nalinigan mi na an bilog na Templo, an altar para sa tinutong na atang asin an mga kagamitan kaini, sagkod an lamesa para sa mga dolot na tinapay asin an mga kagamitan kaini.

Nehemias 10:33

Para sa pagsamba sa Templo, matao kami kan mga minasunod: kan sagradong tinapay, kan dolot na pagkakan sa aroaldaw, kan mga hayop na tututongon sa aroaldaw, kan mga banal na dolot para sa aldaw na Sabbath, Pyesta kan Bagong Bulan, asin iba pang mga pyesta, kan iba pang banal na mga atang, kan mga dolot para sa kapatawadan kan mga kasalan nin Israel, asin iba pang mga kaipuhan sa Templo.

Exodo 25:30

Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.

Levitico 7:9

Mapapasaiya an arin man na dolot na pagkakan na idinolot niya, magin iyan linuto sa horno, sa kawali o sa parilya.

Mga Bilang 3:50

an un mil tres syentos sesenta y singkong plata

Mateo 12:4

Naglaog siya sa Templo dangan nagkakan siya asin an saiyang mga kairiba kan tinapay na idinolot sa Dios, na ipinapangalad na kakanon kan bakong padi.

Hebreyo 9:2

Pinatindog an tolda na may duwang kabtang, an enot na kabtang kaiyan inapod Banal na Lugar na iyo an namumugtakan kan kandelero, asin kan lamesa kaiba an mga tinapay na idinolot sa Dios.