1 Mga Cronica 23:13 - Marahay na Bareta Biblia

¹³ An mga aking lalaki ni Amram iyo si Aaron asin si Moises. Linaen si Aaron dangan an saiyang kapagarakian, tanganing sagkod pa man sinda an mamahala kan mga banal na bagay, magtutong nin insenso sa atubangan nin Kagurangnan, maglingkod saiya asin tanganing magbendisyon sa mga tawo sa ngaran nin Kagurangnan.

1 Mga Cronica 23:13 ပူးပေါင်းရင်းမြစ်များ

1 Mga Cronica 23:12

An apat na aking lalaki ni Kohat iyo si Amram, Izar, Hebron, saka Uzziel.

1 Mga Cronica 6:3

Nagkaigwa nin duwang aking lalaki si Amram na iyo si Aaron saka si Moises, asin sarong aking babae na an ngaran Miriam. An mga aking lalaki ni Aaron iyo si Nadab, Abihu, Eleazar, asin Itamar.

1 Mga Cronica 6:34

Elkana, Jeroham, Eliel, Toa,

Salmo 106:16

Duman sa kampo, kan naori sinda ki Moises asin ki Aaron, an banal na sorogoon nin Kagurangnan,

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Exodo 28:36

“Gumibo ka nin koronang anas na bulawan dangan iukit mo diyan ining mga tataramon, ‘Konsagrado sa Kagurangnan.’

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Exodo 6:20

Inagom ni Amram si Jokebed na tugang na babae kan saiyang ama; nagin mga aki ninda si Aaron asin si Moises. Nabuhay si Amram sa laog nin syento treynta y syeteng taon.

Levitico 10:10

Kaipuhan maaraman mo kun arin an banal saka an ordinaryo, an maati asin an malinig.

Mga Bilang 18:1

Tinaraman nin Kagurangnan si Aaron, “Ika, an saimong mga aki, sagkod an mga Levita iyo an magtitios sa ano man na kasalan na igwa nin relasyon sa paglingkod sa Tabernakulo; alagad ika asin an saimong mga aki sana an magtitios sa ano man na kasalan na igwa nin relasyon sa pagigin padi.

Mga Bilang 26:59

na an agom iyo an aking babae ni Levi na si Jokebed na namundag sa Egipto. Nagin aki ninda si Aaron, si Moises asin si Miriam.

Mga Bilang 3:27

An kamaganakan ni Kohat iyo an mga pamilya ni Amram, Izar, Hebron, asin Uzziel.

Lukas 1:9

Kaugalean nin mga padi na magripa tanganing aramon kun siisay an matutong kan insenso sa altar; asin si Zacarias an napili. Kaya naglaog siya sa templo nin Kagurangnan.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Galacia 1:15

Alagad, pinili ako nin Dios bago pa ako namundag, asin inapod niya ako huli kan saiyang biyaya. Kan binoot na niyang

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 21:5

Maduman man an mga pading Levita huli ta sinda an mahukom kan lambang kaso manongod sa kadahasan. Pinili sinda nin Kagurangnan na saindong Dios tanganing maglingkod saiya asin magbendisyon sa ngaran niya.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Kapahayagan 8:3

May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.