1 Mga Cronica 22:5 - Marahay na Bareta Biblia

⁵ Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

1 Mga Cronica 22:5 ပူးပေါင်းရင်းမြစ်များ

1 Mga Hade 3:7

O Kagurangnan Dios, ginibo mo akong hade na kasalihid kan sakong ama maski aki pa ako nin marahay asin dai pa tataong mamayo.

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

2 Mga Cronica 13:7

dangan nagtipon siya nin sarong grupo nin mayo nin halagang mga tawo asin kinalaban ninda si Rehoboam, na aking lalaki ni Solomon. Dai nin naginibo sainda si Rehoboam huli ta ini aki pa saka mayo nin pakaaram.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

2 Mga Cronica 2:5

Dakula an templo na sakong ipapatugdok, huli ta mas dakula an samuyang Dios ki sa ibang mga dios.

2 Mga Cronica 2:8

Aram kong matitibay an saimong mga parapalod nin kahoy, kaya padarahan mo ako nin mga kahoy na sedro, sipres, asin algum hale sa Lebanon. Andam akong magpadara nin mga matabang sa mga sorogoon mo,

2 Mga Cronica 7:21

“An Templong ini inoomaw ngunyan alagad sa panahon na iyan, an lambang maagi sa harani kaini mangalas asin mahapot, ‘Tano ta siring an ginibo nin Kagurangnan sa dagang ini asin sa Templong ini?’

Esdras 3:12

Dakul na mga gurang na padi, mga Levita, asin mga pamayo nin kamaganakan an nakahiling kan enot na Templo, kaya naghibi sinda saka naghaya kan mahiling ninda an pagbugtak kan pundasyon kan Templo. Alagad an iba na yaon duman nagkurahaw sa kaogmahan.

Mga Talinhaga 4:3

Bugtong na aking lalaki ako kan sakong mga magurang, asin kan ako aki pa,

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Ezekiel 7:20

Kaidto ipinag-orgulyo ninda an saindang magagayon na mga alahas, alagad an mga iyan ginamit ninda sa paggibo nin makauuyam na mga ladawan. Kaya an mga bagay na iyan ginibo nin Kagurangnan na magin maati para sainda.

Hageo 2:3

“Siisay sa saindo an nakahiling kan dating kagayonan kan Templong ini? Ano an paghiling nindo kaini ngunyan? Bako daw na mas marahay kun mayo na sana?

Hageo 2:9

An bagong Templo magigin mas magayon ki sa dati, asin duman ko tatawan nin kauswagan asin katoninongan an sakong banwaan.” An Kagurangnan nin mga hukbo an nagtaram.

Lukas 21:5

Nag-oorolay an nagkapirang disipulo dapit sa Templo na labi kagayon huli kan mga mahalagang gapo asin kan mga dolot sa Dios. Sinabihan sinda ni Jesus,

Juan 13:1

Bisperas na kan Pyesta nin Paskwa. Aram ni Jesus na nag-abot na an oras na mahale siya digdi sa kinaban tanganing magbalik sa Ama. Namomotan niyang danay an saiyang mga pinili na uya sa kinaban; namotan niya sinda sagkod sa kataposan.

Juan 3:30

Kaipuhan siyang magdakula, alagad ako kaipuhan na magsadit.”

Juan 9:4

Dapat na gibohon ta an ipinapagibo kan nagsugo sako, mantang aldaw pa; maabot an banggi asin mayo na nin makakapagtrabaho.