1 Mga Cronica 22:3 - Marahay na Bareta Biblia

³ Nag-andam siya nin dakul na lansang na gigibohon na mga pako saka mga pang-ipit para sa mga trangkahan, dangan dakul na bronse na dai kayang timbangon nin siisay man huli sa kadakulan.

1 Mga Cronica 22:3 ပူးပေါင်းရင်းမြစ်များ

1 Mga Hade 7:47

Dai na ipinatimbang ni Solomon an mga bronseng kagamitan na ini huli ta kadakul nin marahay. Dai nanggad naaraman an timbang kan mga ini.

1 Mga Cronica 22:14

Manongod sa Templo, nagpagal ako sa pagtipon nin maabot sa tres mil kwatro syentos na toneladang bulawan, saka mga treynta mil na toneladang plata, laen pa kan dakul na bronse asin lansang. Nag-andam man ako nin kahoy asin gapo, alagad kaipuhan dugangan mo pa an mga ini.

1 Mga Cronica 29:2

Ginibo ko na an gabos kong makakaya sa pag-andam kan mga bagay na kaipuhan para sa Templo: mga bulawan, plata, bronse, lansang, mga kahoy, mga mahalagang bato saka mga gapo, mga gapo na manlaen-laen an kolor asin mga marmol.

1 Mga Cronica 29:7

Ini an mga idinolot ninda para sa Templo: sobra sa syento setentang toneladang bulawan, sobra sa tres syentos kwarentang toneladang plata, mga seis syentos beynte toneladang bronse, asin sobra sa tres mil kwatro syentos toneladang lansang.

2 Mga Cronica 4:18

Dakul na kagamitan an ginibo kaya dai na naaraman an kabilogan na timbang kan ginamit na bronse.

Jeremias 52:20

Magabat nin marahay an mga harigi, mga bronseng kariton saka an dakulang bronseng tangke na ipinagibo ni Hadeng Solomon para sa Templo, kaya dai na tinimbang an mga ini.

Deuteronomio 8:9

Duman dai kamo magugutom o magkukulang nin ano man. An mga gapo duman igwa nin lansang; makakamina kamo nin kobre sa kabubuldan.