1 Mga Cronica 22:2 - Marahay na Bareta Biblia

² Pinagbotan ni Hadeng David na magtiripon an gabos na dayuhan na nag-eerok sa daga nin Israel, asin pinatrabaho niya sinda. An iba sainda ginibo niyang mga paratabas nin gapo na gagamiton sa pagtugdok kan Templo nin Dios.

1 Mga Cronica 22:2 ပူးပေါင်းရင်းမြစ်များ

2 Samuel 5:11

Nagpadara nin mga sugo ki David si Hiram na hade nin Tiro; nagpadara siya nin mga kahoy na sedro, siring man mga karpintero asin mga kantero na nagtugdok kan palasyo ni David.

1 Mga Hade 6:7

Tinarabas na an mga gapong ginamit sa Templo, kaya mayong pinagukpok nin martilyo, patok, o sa iba pang mga kagamitan na lansang mantang ginigibo an Templo.

2 Mga Hade 12:12

sa mga kantero asin sa mga paratabas nin gapo. Digdi man ninda kinukua an ibinabakal kan mga kahoy saka mga gapo na ginagamit sa paghirahay kan Templo, sagkod kan iba pang kaipuhan.

2 Mga Hade 22:6

sa mga karpintero, mga paratugdok, saka mga kantero, asin an mabakal kan mga kahoy saka mga gapo na kaipuhan sa paghirahay.

1 Mga Cronica 14:1

Nagpadara nin mga sugo ki David si Hiram na hade nin Tiro; nagpadara siya nin mga kahoy na sedro, siring man mga kantero asin mga karpintero tanganing igibo si David nin sarong palasyo.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

2 Mga Cronica 2:16

Duman kami sa Lebanon mapalod nin kahoy na kaipuhan mo; bubugkoson mi iyan dangan gigibohon na mga balsa na samong ipapaanod sa dagat pasiring sa Jope. Hale duman, pwede mo nang madara iyan sa Jerusalem.

2 Mga Cronica 2:17

Sinenso ni Solomon an gabos na dayuhan na nag-eerok sa daga nin Israel, arog sa sensong ginibo ni David na saiyang ama. An bilang kan gabos na dayuhan uminabot sa syento singkwenta y tres mil seis syentos.

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.