1 Mga Cronica 22:16 - Marahay na Bareta Biblia

¹⁶ sa bulawan, plata, bronse, asin lansang. Poonan mo na an trabaho! Ibahan ka logod nin Kagurangnan!”

1 Mga Cronica 22:16 ပူးပေါင်းရင်းမြစ်များ

1 Mga Hade 2:2

“Magagadan na ako. Magmakosog asin magpakalalaki ka.

1 Mga Hade 7:47

Dai na ipinatimbang ni Solomon an mga bronseng kagamitan na ini huli ta kadakul nin marahay. Dai nanggad naaraman an timbang kan mga ini.

1 Mga Cronica 22:11

Nagpadagos si David, “Ngunyan, aki ko, mapasaimo logod an Kagurangnan tanganing matapos mo an pagpatugdok nin templo para sa Kagurangnan na saimong Dios, sosog sa itinaram niya manongod saimo.

1 Mga Cronica 22:14

Manongod sa Templo, nagpagal ako sa pagtipon nin maabot sa tres mil kwatro syentos na toneladang bulawan, saka mga treynta mil na toneladang plata, laen pa kan dakul na bronse asin lansang. Nag-andam man ako nin kahoy asin gapo, alagad kaipuhan dugangan mo pa an mga ini.

1 Mga Cronica 22:15

Dakul an saimong mga trabahador: mga paratabas nin gapo, mga kantero, mga karpintero, saka dai mabilang na mga eksperto sa pagtrabaho

1 Mga Cronica 22:3

Nag-andam siya nin dakul na lansang na gigibohon na mga pako saka mga pang-ipit para sa mga trangkahan, dangan dakul na bronse na dai kayang timbangon nin siisay man huli sa kadakulan.

1 Mga Cronica 28:10

Saboton mo nanggad na pinili ka nin Kagurangnan tanganing magtugdok kan saiyang banal na Templo; pagmakosog asin gibohon mo iyan.”

1 Mga Cronica 29:2

Ginibo ko na an gabos kong makakaya sa pag-andam kan mga bagay na kaipuhan para sa Templo: mga bulawan, plata, bronse, lansang, mga kahoy, mga mahalagang bato saka mga gapo, mga gapo na manlaen-laen an kolor asin mga marmol.

2 Mga Cronica 1:1

Pusog na pinaghadean ni Solomon na aking lalaki ni David an kahadean nin Israel; benendisyonan siya nin Kagurangnan na saiyang Dios asin ginibo siyang orog na mapangyari.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

Filipos 4:13

An gabos magigibo ko huli ki Cristo na nagpapakosog sako.

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 7:10

Nagtaram an Kagurangnan ki Josue, “Magtindog ka! Ano ta nakadapa kang arog kaiyan?

Hukom 4:14

Sinabihan ni Debora si Barak, “Lakaw! An Kagurangnan an mangengenot saimo! Sa aldaw na ini, itatao niya saimo an kapangganahan laban ki Sisera.” Kaya sa pangenot ni Barak, naglugsot hale sa Bukid nin Tabor an dyes mil na kalalakihan,

1 Samuel 17:37

Ilinigtas ako nin Kagurangnan sa mga leon asin sa mga oso; ililigtas man niya ako sa Filisteong iyan.” Nagsabi si Saul, “Lakaw, asin ibahan ka logod nin Kagurangnan!”

1 Samuel 20:13

Kun nag-iisip siyang kulogan ka, gadanon logod ako nin Kagurangnan kun dai taka paisihon asin padulagon. Ibahan ka logod nin Kagurangnan siring na inibahan niya an sakong ama!