1 Mga Cronica 22:11 - Marahay na Bareta Biblia

¹¹ Nagpadagos si David, “Ngunyan, aki ko, mapasaimo logod an Kagurangnan tanganing matapos mo an pagpatugdok nin templo para sa Kagurangnan na saimong Dios, sosog sa itinaram niya manongod saimo.

1 Mga Cronica 22:11 ပူးပေါင်းရင်းမြစ်များ

1 Mga Cronica 22:16

sa bulawan, plata, bronse, asin lansang. Poonan mo na an trabaho! Ibahan ka logod nin Kagurangnan!”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

2 Mga Cronica 1:1

Pusog na pinaghadean ni Solomon na aking lalaki ni David an kahadean nin Israel; benendisyonan siya nin Kagurangnan na saiyang Dios asin ginibo siyang orog na mapangyari.

2 Mga Cronica 6:10

“Inotob ngunyan nin Kagurangnan an saiyang panuga. Nagin kasalihid ako kan sakong ama na si David bilang hade nin Israel, asin itinugdok ko an Templo para sa Kagurangnan, an Dios nin Israel.

Isaias 26:12

Papauswagon mo kami, Kagurangnan; an gabos na samong nahahaman iyo an bunga kan saimong ginibohan.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Roma 15:33

Mapasaindo logod gabos an Dios nin katoninongan. Amen.

2 Timoteo 4:22

Mapasaimong espiritu an Kagurangnan. An biyaya nin Dios mapasaindo gabos.

1 Samuel 17:37

Ilinigtas ako nin Kagurangnan sa mga leon asin sa mga oso; ililigtas man niya ako sa Filisteong iyan.” Nagsabi si Saul, “Lakaw, asin ibahan ka logod nin Kagurangnan!”

1 Samuel 20:13

Kun nag-iisip siyang kulogan ka, gadanon logod ako nin Kagurangnan kun dai taka paisihon asin padulagon. Ibahan ka logod nin Kagurangnan siring na inibahan niya an sakong ama!